Altera Lei PV, Maioria Parlamentar Bele Muda

DILI, STLNEWS.co – Relasiona ho alterasaun lei Pensaun Vitalisia (PV), Deputada Bankada CNRT, Veneranda Lemos hatete, agora iha bankada maioria Parlamentares bele muda, tanba promesa iha kampana.

Tuir nia, se iha kbiit no poder atu halo mudansa bele, tanba sa mak buat ruma failla fo sala ba Governu anterior, tuir loos governasaun ida ba governasaun seluk nee kontinuasaun, se kazu ladiak halo reforma no halo mudansa ba buat neebe diak liu.

“Governasaun nee laos ema ida nian, laos partidu ida nian, neebe ita tenke halo sistema diak, mekanizmu governativa diak ida, atu bele fo konfiansa ba povu, hodi bele hetan moris diak. Se ita koalia kona ba pensaun vitalisia iha pasadu hakarak atu halo alterasaun, entaun halo, tanba maioria agora iha sira nia liman, halo ba depois ita tetu no haree hamutuk”, katak Veneranda Lemos ba jornalista, Kuarta (23/06/2021) iha PN.

Nia dehan, funsaun husi opozisaun nian, laos atau kritika deit, maibe hatene saida mak laloos tenke kritika atu hadia, neebe hatene ida neebe mak diak fo apoiu, nee mak dehan opozisaun konstrutivu.

Iha parte seluk, Prezidente Komisaun A, Joaquim dos Santos hatete, Lei PV nee, laiha influensia ba estadu nia moris, maibe nee ba interese grupu kiik oan ida, i nee ordem konstituisaun, fo ou la fo. Maibe prosesu diskusaun ba lei nee lao hela, termu pensaun vitalisia nee laiha ona, agora nee iha deit rejime, kontributivu, maibe presiza regra husi ministeriu kompotente tenke garante rejime entre em vigor atu labele prejudika ema nia direitu, neebe laos fasil.

“Desde uluk hau dehan hau lahalo lei atu kumpri deit komprimisiu eleitoral, i hau lahalo lei atu fo prezuiju ba sidadaun nia direitu i lahalo lei hodi fo kontente ema balu, maibe halo lei atu rezolve problema, kria justisa ba sidadaun nia direitu,” katak Joaquim.

Tuir nia, prosesu agora ba diskusaun lao hela, neebe se tinan ida nee lahotu, tinan oin sei halo, neebe laos ohin mehi aban halo nee lae.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: