Alterasaun Lei Defeza Nasional Iha Ona Espesialidade

DILI, STLNEWS.co – Diskusaun ba alterasaun lei defeza nasional iha ona espesialidade, iha alterasaun ba lei nee atu hodi aserta no aktualiza servisu militar nian.

Prezidente Komisaun B trata asuntu Negosiu Estranjeiru, Defeza, no Seguransa José Agustinho Somotxo katak, ohin kontinua halao primeira alterasaun ba defeza nasional neebe lolos aprova ona iha semana kotuk, maibe tanba situasaun balu hanesan covid ho foin lalais toleransia de pontu, tanba nee kontinua deskute, neebe servisu sira nee hotu sei lori ba plenaria atu nunee ba aprova iha final global.

Tuir nia, primeira alterasaun lei defeza nasional nee halo alterasaun ba artigu 12, neebe ohin iha ona artigu 4, i sei kontinusauan ba neebe sei iha.

“Alterasaun nee atu aktualiza servisu militar nia servisu Xefe Estadu Maijor Jeneral, Konsellu Defeza Militar nian, atu aserta tanba iha lei anterior nee ita labele dehan lapreve situasaun sira hotu, tanba kualker lei evolusaun ida presiza aktualiza hodi aserta. I ita mos aprende konflitu tan hanesan iha 2015 polemika oituan ba nomesaun jeneral. Neebe alterasaun nee haree atu evita situasaun sira nee hotu, tanba forsa armadas mos iha mudansa atu tuir KRDTL, tanba iha KRDTL katak futuru iha ramos de forsas ka komponente terrestre, komponente naval, nee mak altrasaun prinsipais,” katak Somotxo ba jornalista, Tersa (18/05/2021) iha PN.

Nia dehan, lei anterior nee iha benefisiu, maibe alterasaun nee atu aserta liu tan sira nia servisu neebe atu aktualiza lei nee ho estrutura aktual. Neebe debate iha jeneralidade hotu ona, agora tama ona ba espesialidade, remata espesialidade tama ba final global.

Nia haktuir, iha alterasaun nee mos koalia ba nomeasaun lideransa ba iha defeza tanba uluk tau deit nomeasaun husi PR tau deit Xefe Estadu Maijor Jeneral ho Vice Xefe Estadu Maijor Jeneral, maibe agora nee preve ba futuru nia forsa ba too iha neebe se lahatene, neebe iha alterasaun nomeasaun nafatin husi PR, maibe ba oin preve atu forsa nee bele tama iha ramu, bele laos Koronel ka maibe bele Brigadeiru ida ka Maijor ida, neebe situasaun nee ba futuru iha komponente sira bele Brigadeiru ida mak komandu.

Tuir nia, Komisaun B sei apoiu nafatin defeza no seguransa atu sira kumpre nafatin sira nia planu estratejia nee too momentu neebe atinje eskada, atu nunee dezenvolve forsa armadas, neebe iha altearsaun nee atu atualiza no ekuilibriu tuir alterasaun iha hirarkia lejislasaun.

Entretantu observasaun STL katak, debate ba altearsaun lei defeza nasional nee sei kontinua iha lokraik no loron tuir mai, atu nunee bele konklui iha final global.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: