Alterasaun Lei Eleisaun PR, Cabral: Intensaun Politika

DILI, STLNEWS.co – Relasiona ho governu hatoo proposta alterasaun ba lei Eleitoral Prezidente Republika (PR), Eis Ministru Administrasaun Estatal, Tomas Cabral konsidera intensaun politiku, tanba lei agora lao diak hela.

Nia dehan, governu sub-mete ona proposta alterasaun lei eleitoral PR, ida nee konteudu politiku, maibe oras nee rona kandidatu lahotu. Se mak tenke konvoka prosesu nee mak Prezidente Republika, tinan oin nia konvoka tanba kandidatu prezidensia nee individual mak apoiu husi partidus politikus.

“Agora alterasaun nee, hau ladun hatene altera saida, latera labele kontra fali ita nia Konstitisaun da Republika, tanba PR nee pesoal kolektivu individual, mak hetan apoiu husi partidu politiku ou kooligasaun partidarias, atu ba kandidatu PR, maibe agora halo alterasaun nee ami husu atu materia nee tenke deskute klean hodi hatuur sasan iha nia fatin,” dehan Tomas ba jornalista, bainhira halo audensia ho komisaun A, iha PN, Kuarta (02/06/2021).

Tuir nia kona ba esbosu lei nee ba alterasaun nee seidauk haree, neebe karik esbosu ene mak kontrariu ho funsionamentu normal ou iha kontratiu ho KRDTL nee labele.

“Labele tau interese politiku iha prosesu lejislasaun, tanba votasaun deversifiku, laos obrigatoriu. Resensiamentu mak obrigatoriu, maibe eleisaun nee deversifiku sidadaun nian, se ita impede direitu nee ita hamate demokrasia”, dehan nia.

Eis governante nee hatutan, kona ba atu halo alterasaun ba lei nee nia parte seidauk haree, maibe nia parte akompana no haree depois de Konsellu Ministru (KM) aprova sira hakarak loke sentru votasaun paralelo iha Dili, ida nee intensaun saida, sentru paralelo nee atu ajuva ba se, tama muinisipiu, postu administrativu no suku neebe.

“Hanesan eis Diretor Jeral STAE hau konese, primeiru ves hau rona atu loke sentru votasaun paralelo iha Dili deit, maibe iha lei anterior vigor katak, kuandu ema ruma atu halo servisu ba foho iha neeba bele ba husu STAE, bele emite lista”, esplika Cabral.

Iha fatin hanesan, Vise Prezidente Komisaun A, Francisco Vasconcelos hatete, kona ba alterasaun lei eleitoral Prezidente Republika, haruka ona mai komisaun A, maibe seidauk halo audensia publika, neebe komisaun A halo ona ajenda ba dia 8 Junnu mak halo audensia publika.

“Kualker alterasaun ita sei bolu entidade sira mai hotu hanesan Statal, eis membru governu sira iha kleur iha Statal, CNE atu mai rona sira nia opiniaun,” katak deputadu bankada Governu PLP nee.

Tuir nia, alterasaun ba proposta lei nee, husi governu mak haruka mai iha PN, neebe kona ba nia substansia nia parte seidauk haree. Maibe komisaun A sei konsidera nee hanesan urjente, tanba ema hotu hatene katak iha fulan agustu nee atu aprezenta ona kandidatura ba eleisaun PR.*

Reportajen: Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: