Aluc Rekonese Governu & SIJK Kontinua Husik Xanana

DILI, STLNEWS.co – Diretor Sentru Integradu Jestaun Krize (SIJK), Brigadeiru Jeneral Joao Miranda “Aluc” Descartes rekonese durante nee Governu no SIJK kontinua husik lider nasional Kay Rala Xanana Gusmão viola regras konfinamentu obrigatoriu neebe governu impoin ona iha kapital Dili.

“Hau atu dehan deit katak Sentru Integradu Jestaun Krize (SIJK) hanesan instituisaun ida neebe atu implementa regras neebe governu foti, governu deit la foti ona medidas ba lider nasional Kay Rala Xanana Gusmão neebe kontinua halibur populasaun sira, kuantu mais ami sira implementa regras konfinamentu obrigatoriu neebe mak iha, ida nee mak situasaun neebe agora lao maibe realmente virus nee dadaun iha Timor Leste,” dehan Brigadeiru Jeneral Aluc wainhira remata enkontru ho Primeiru Ministru (PM) Taur Matan Ruak iha rezidensia Xefe Governu Farol, Segunda (07/06/2021).

Nia dehan, tuir lolos ema hotu iha konsiensia katak dadaun nee moras Covid eziste ona iha nasaun nee, tanba nee atu prevene moras nee labele daet ba ema barak liu, presiza kumpre regras konfinamentu obrigatoriu neebe mak governu aplika ona.

“Ita kompara nee hanesan funu, maibe la hanesan funu neebe uluk ita hasoru inimigu bele haree hetan, mas ida nee ita haree la hetan se mak moras nee kona no lae. Maibe ita mak tenke iha konsiensia katak virus nee dadaun nee eziste iha Timor Leste, tanba nee ema hotu presiza kumpre regras konfinamentu obrigatoriu nunee bele prevene ema hotu husi moras nee, duke ita tama ba iha risku ida neebe mak bele halakon ita nia forsa hodi kontrola moras nee,” nia esplika.

Brigadeiru Jeneral Aluc afirma, ema hotu presiza kuidadu nia saude liu husi regras sira nebe mak iha ona, maibe kuandu lakoi depende ba ema idak-idak.

“Ita nia saude iha ita nia liman rasik, se o hakarak kuidadu o nia saude, entaun tenke halo tuir regras neebe mak iha, se lakoi entaun problema o nian,” dehan nia.

Entretantu antes nee jornalista tenta konfirma ba porta voz Governu, Fidelis Leite Magalhães konaba lider nasional Kay Rala Xanana Gusmão neebe kontinua viola regras konfinamentu obrigatoriu hodi halibur populasaun sira iha lagoa Tasi Tolu, maibe Fidelis hatan konaba kestaun nee jornalista sira bele konfirma direta ba iha lider nasional Xanana Gusmão.*

Reportajen: Alberto Menezes
Editor: Domingas Gomes

1 COMMENT

  1. Iha Konfinamento Obrigatoriu, bandu ema atu labele barak liu nain 10 (Sanolu), Ohin loron guverno kestiona los ho Maun Boot Xanana konsege Viola regras ne’ebe mak guverno hatun. Ida ne’e Desisaun iha Imi.
    Mais….perguntas ba SIJK, Oin sa ho situasaun iha merkado taibesi ne’ebe loron tiha e kalan tiha mos ema sena malu la hotu rai. e konsege ami nia ekipa lori Mascra 700 ho Hand Sanitizer 200 ba fahe komunidade sira iha merkado taibesi, Mais Maskra 700 la to’o no komunidade barak mak la konsege hetan. Signifika katak iha merkado taibesi ema barak liu 700.
    Konfinamentu Obrigatoriu ne los ona ka sedauk.
    Husu ba SIJK atu bele esplika tok mai ami ida pur ida.
    Se lae moras ne bele halo ita mate mohu.

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: