Aluga Ro Substitui Nakroma, Domingos: Nee Latama Kakutak

DILI, STLNEWS.co – Relasiona ho governu aluga ro ahi ida, neebe ho folin karun, hodi substitui roo nakroma, ida nee hanesan latama kakutak, tanba sei iha ro Success atu halo sirkulasaun.

Kestaun nee hatoo husi, Deputadu Domingos Carvalho husi bankada CNRT hatete, kona ba ro ahi neebe mak iha dia 18 Fevereiru, Komisaun E ba too APORTIL hodi enkontru i Prezidente APORTIL hatete, nia rejeita atu aluga ro ahi ida neebe aluga hodi substitui Nakroma, maibe agora ro ahi Success neebe para hela nee atu sirkula oinsa, iha situasaun serka sanitaria (SS) no konfinamentu obrigatoriu (KO), nee ro ahi para deit lalao, i diretor rasik husu atu aumenta tan loron ida hodi ro nee sirkula, tanba para deit.

“Ita hatene ro Success agora para deit, maibe hakarak atu aluga tan fali nee ita nia intensaun saida? Ro nee uluk 150 mil kada fulan, maibe agora mosu mai ho kontratu 220 mil, ida nee intensaun saida, be ida fali 70 mil nee atu ba tau iha neebe? i aluga ro atu halo ho situasaun SS ho KO, agora ro Success deit para hela deit,” informa Domingos Carvalho iha plenaria, Segunda (24/05/2021) iha PN.

Nia dehan, ro nee atu aluga nee ho kontratu ba fulan 5, nee imposivel fulan 5 nee atu remata, tanba ro Nakroma avaria ba halo reparasaun nee bele too tinan mak fila, aluga ba fulan 5 mak ba to tinan ida nee gasta osan barak, oinsa atu halo poupansa.

Nunee mos Deputadu husi Bankada PLP, Abel Pires kestiona, ro aluga atu halai ba Oecusse nee laiha razaun atu justifika kontratu ho ro foun ho folin karun, maibe mai para deit iha portu Dili.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: