Ambisaun Ba Rikusoin & Poder, Lori Konsekuensia Ba Moris

DILI, STLNEWS.co – Servisu tenki tuir kbiit neebe iha no ho konsentrasaun, labele ambisaun ba riikusoin no poder, se lae lori konsekuénsia ba moris.

Lia hirak nee hatoo husi Padre Richardo Pasangm SVD ba STL via telefone, Sabadu (25/11/2023).

Nia hatete, Maromak nia liafuan mos hanorin ema oinsa ho honestidade, katak servisu hotu tuir kbiit, labele ambisaun ho buat neebe kbiit la too ba.

“Ambisaun Anthiokus atu ukun sidade no hola hotu rikusoi tanba funu halo sira lakon beibeik ba nafatin. Too ikus nia hetan asidente no dezastre rasik. Ambisaun buka rikusoin no poder deit lori konsekuensia boot ba nia moris. Iha moris, dala ruma ita gasta tempu ba servisu no servisu ba nafatin. Servisu presiza no gasta tempu, presiza konsentrasaun no kbiit husi ita,” dehan Padre.

Padre hatutan, ema tenki hela dook husi familia, sakrifika nia tempu hodi garante parte finanseiru iha tempu tuir mai/futuru, dala ruma ema presiza la honestu atu bele hetan osan, dala ruma la tau atensaun ba igreja, retiru ruma ou ministeriu tanba servisu ba nafatin, hatudu katak servisu makaas ba familia maibe dala ruma familia sai vitima.

“Ita nia tempu moris laos ba dala rua. Ita nia moris dala ida deit. Esperiensia Anthiokus sai esperiensia moris ba ita atu keta duni deit rikusoin mundu nian no ignoran ou la hanoin familia. Keta halo too ikus, ita arrepende tanba ita lakon tempo ho ita nia familia, la hatene ona Maromak iha loron ikus ita moris, no buat nebe ita luta – buat hotu sai saugati. Mai ita utiliza tempo uitoan nee sai ema sabio/matenek ba ita nia moris. Ita hadomi ita nia familia hodi servisu lolos ba sira laos halo sira sai vitima,” katak nia.

Kontinua ba pajina 2

LEAVE A REPLY

Please enter your comment!
Please enter your name here