Amu Bispo: Termina Tinan 2020 Iha Sinal Diak, Husu Ba Sarani Sira Bele Koopera

Amu Bispo Diocese Dili Dom Virgilio do Carmo da Silva SVD. (Foto: STL/Claudios de Jesus)

DILI, STLNEWS.co – Mesmu momentu nee ema barak mak trauma ho situasaun pandemia Covid-19 nee, Amu Bispo Dom Virgilio do Carmo da Silva SVD, husu ba sarani sira hodi bele koopera ho instituisaun sira hotu, para bele passa lalais husi krize Covid-19.

“Tamba termina tinan tuan nian nee mos mosu ona sinal foun balun, tamba iha mundu matenek nain barak mak deskobre dadauk vasina Covid.” dehan Arcebispo Arquidiocese Metropolitano,

Dom Virgilio do Carmo da Silva SVD ba jornalista hateten, maske sarani sira tuir selebrasaun eukaristia nian la hanesan babain, maibe presiza sarani atu bele hakmatek iha ida idak nia fatin hodi simu tinan foun nee.

“Tamba tempu ida hanesan nee maka dala barak ema ba uan hemu, dala barak bele provoka malu, no ikus bele mosu violensia neebe mak ita la espera” hateten nia, iha Katedral, bainhira missa ramata, Kinta (31/12/2020).

Aliende nee Amu Bispo mos afirma katak, iha momentu ikus hodi husik hela tinan tuan nee ho dame, no simu fali tinan foun ho esperansa neebe mak diak.

Nia hatutan, espera iha tinan foun 2021 nee bele mos lori esperansa ba mundu tomak, hodi bele fo fali ksolok ba ema hotu.

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here