Amu Guilhermino Lansa Fatuk Dahuluk, Konstrusaun Salaun Parokia Igreja Motael

DILI, STLNEWS.co Amu Paroku Igreja Motael, Pe. Guilhermino da Silva, akompania husi Amu Vigario Igreja Motael, Pe. Mariano Maia, lansa fatuk dahuluk Konstrusaun Salaun Parokia Igreja Motael, Dili, Domingu nee (03/10/2021).

Serimonia lansamentu fatuk dahuluk Konstrusaun Salaun Parokia Igreja Motael nee, partisipa mos husi Konsellu Parokia Motael, Xefe Estasaun Parokia Motael, Kontraktor husi Philipina no katekista sira.

Iha biban nee, Amu Paroku Igreja Motael, Pe. Guilhermino da Silva hatete, orsamentu ba konstrusaun Salaun Parokia nee hamutuk rihun atus ida tolu nulu resin rua (US$ 132). Aleinde nee, Amu Guilhermino hatutan, ekipamentus hanesan, CCTV, sound system, IT (Information and Technology) no seluk-seluk tan, hamutuk rihun ualu (US$ 8.000).

Amu Guilhermino dehan katak, tuir predisaun projetu Konstrusaun Salaun Parokia Igreja Motael nee sei remata iha fulan Dezembru tinan 2021. Nunee, salaun refere bele uza iha misa festa Natal.

Tuir Amu Paroku Guilhermino, Salaun Parokia Igreja Motael nee harii ho medidas 32 x 20 metru ho as 5,80 cm. Serimonia hatuur fatuk dahuluk nee, hetan bensa husi Amu Vigariu Paroku Motael, Pe. Mariano Maia.   

Entretantu, Kontraktor ba Projetu Salaun Parokia Igreja Motael, Danilo Dany Sumabong informa katak, projetu nee halo husi Kompania NICHOL, LDA, husi Philipina.

Nia promete katak, kompania  NICHOL sei esforsu halo projetu nee remata iha fulan rua nia laran. “Amu sei fo oportunidade ba ami atu halo servisu loron no kalan, hodi nunee projetu bele remata antes festa Natal,” dehan Danilo. *

Reportajen: Mikael Mali Mau

Editor: Mikael Mali Mau

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...