ANC Fahe Sertifikadu Frekuensia Adisional Ba Operador Telekomunikasaun Tolu

DILI, STLNEWS.co – Autoridade Nasional Komunikasaun ohin Segunda nee atribui ona sertifikadu adisional frenkuensia 10 MHz ba kada operador komunikasaun tolu (3) iha Timor Leste.

Hafoin remata entrega sertifikadu espetrum adisional ba operador telekomunikasaaun tolu, Prezidente Autoridade Nasional Komunikasaun (ANC-sigla Portugues), João Olivio Freitas hatete objetivu husi atribuisaun sertifikadu frekuensia adisional ba operador tolu nee atu fo atendimentu diak ba povu liu husi rede internet neebe diak.

“Ohin nee ita halo atribuisaun espetrum adisional frekuensia ba operador sira iha banda 1.800 MHz, kada operadores ho 10 MHz nee katak Timor Telecom hetan 10 MHz, Telemor hetan 10 MHz, no Telkomcel 10MHz,” dehan Prezidente Autoridade Nasional Komunikasaun, João Olivio Freitas iha salaun ANC Caicoli, Segunda (24/05/2021).

Tanba nee Autoridade Nasional Komunikasaun sei serbisu hamutuk liu husi lina koordenasaun ho operador tolu nee, para bele asegura implementasaun ba frekuensia adisional, nunee labele hamosu interferensia.

“Iha implemetasaun ANC sei fo ba operador sira hodi halo iha terrenu, agora husi parte ANC servisu hamutuk hamutuk ho operador sira nee oinsa atu asegura nia implemetasaun ezekusaun ba utilizasaun ba frekuensia 10 MHz adisional nee labele hamosu interferensia,” dehan nia.

Iha fatin hanesan Ministru Transporte Komunikasaun (MTK) Jose Agostinho da Silva, husu ba operador tolu Timor Telecom, Telemor no Telkomcel atu fasilita lina internet ida neebe diak, nunee bele fasilita atendimentu neebe diak ba publiku.

“Objetivu husi sertifikasaun frekuensia ba telekomunikasaun tolu nee, nunee ba oin bele hadia liu tan atendimentu lina internet ba publiku ho diak,” dehan Ministru Jose Agustinho da Silva.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: