ANC Notifika Ona Timor Telekom

DILI, STLNEWS.co – Autoridade Nasional Komunikasaun (ANC) notifika ona empreza Timor Telekom (TT) ho pedidu oin tolu relasiona ho kliente TT nia lamentasaun konaba funsionamentu rede internet.

Tuir Prezidente ANC, João Oliviio Freitas katak, iha loron rua liu ba nee ANC simu lamentasaun husi kliente TT nian, konaba internet neebe lao lentu iha rai laran.

“Inprinsipiu hafoin ita rona komunidade sira nia lamentasaun iha sosial media, ita halo kedas aproximasaun ba Timor Telekom liu husi karta notifikasaun ho pedidiu informasaun oin tolu atu TT responde imediata,” dehan João iha salaun Suai Room, Timor Plaza, Dili, Kinta (28/07/2022).

Pedidu informasaun oin tolu neebe haruka ba TT mak hanesan primeiru relatoriu detalhadu konaba perturbasaun pedidu internet loron neebe mak akontese, segundu ANC husu justifikasaun husi orgaun regulador TT neebe regula husi ANC tanba sa mak laiha informasaun ba ANC bainhira iha falhansu fornesimentu servisu telekomunikasaun ba publiku, terseiru ANC husu operator atu submete ba ANC konaba asaun saida mak sira halo ona ligadu ho perturbasaun nee rasik, no planu kompensasaun ba iha konsumidores bainhira falhansu nee akontese.

Tanba nee, pozisaun husi ANC hein resposta husi operator, bazeia ba resposta husi operator mak ANC foin bele hakat ba iha prosesu tuir lei haruka.

Hatan ba preokupasaun hirak nee, STL konfirma kedas asuntu nee ba iha operator Timor Telekom, maibe laiha resposta direta konaba notifikasaun nee, maibe jerente TT balun fo informasaun ba funsionariu iha liur hodi pasa informasaun katak TT responde ona pedidiu nee iha loron Kuarta (27/07/2022).

“Ami nia jerente foin koalia katak, pedidu notifikasaun neebe husi ANC mai iha operator TT nian, iha loron Kuarta horiseik ami nia jerente haruka lori ona ba iha ANC”, dehan funsionariu Timor Telekom nee.

(mad)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...