Anin Sobu Uma 3 Iha Baukau

DILI, STLNEWS.co – Hahu iha loron 20 too 26 Junhu 2023, anin sobu uma tolu iha Munusipiu Baukau.

Tuir Xefe Gabinete GREC, Anacleto Caetano dehan, durante semana kotuk iha Timor Leste normal no akontese tipu dezastre hanesan, anin boot, ahi han uma, nomos rai halai, Autoridade Protesaun Sivil (APC) rezistu uma hamutuk Xefe Familia nian tolu mak hetan estragus.

“Ita haree Munisipiu Baukau anin sobu uma tolu, depois ita nian Komando APC Munisipiu ho parseirus relevante fornese asistensia emerjensia ba familia sira neebe afeitadu,” hatete nia ba jornalista sira liu husi Konferensia Imprensa iha salaun APC Kaikoli, Dili, Segunda (26/06/2023).

Nia dehan, anin sobu komunidade nian uma iha Munisipiu Baukau nee akontese iha Suku Soba, Aldeia Boleha no Suku Libabua, Aldeia Buibata, nomos iha Postu Kelikai, Suku Namanei, Aldeia Sirilaku, anin sobu uma ida.

Iha fatin ketak, Komunidade Lido de Jesus informa, anin komesa boot iha kapital Dili no munisipiu, tanba nee komunidade lao tenki kuidadu aan, tanba agora anin sobu uma barak no ahi han uma mos barak.

“Ita haree udan lao mos ho anin komesa ho volume neebe boot, tanba nee ita tenki kuidadu aan, ita haree horiseik lokraik iha tasi ibun laloron komesa sae makaas ho anin,” nia deklara.

Tuir dadus neebe STL asesu iha terenu, hela fatin neebe mak hetan estragus iha dia 4 Abril tinan 2020 nee hamutuk 5000, husi numeru nee rekupera ona hela fatin 2000 falta 3000, tanba okupa rai estadu no okupa rai ilegal nunee mos iha area risku.

(jen)

LEAVE A REPLY

Please enter your comment!
Please enter your name here