Aniversariu STL TV-Radio Ba Dala 12, Oscar Lima Husu Hadia Kualidade

DILI, STLNEWS.co – Iha Loron 18 fulan Outobru marka tan istoria ida ba STL TV-Radio hodi kompleta nia aniversariu ba dala 12 eziste iha Timor Leste, tanba nee Prezidente Camara Comersiu Industria TL (CCI-TL), Oscar Lima husu atu hadia diak liu tan kualidade TV no Radio, hodi fo informasaun neebe los no kredivel.

“Hau votus parabens ba STL TV no Radio neebe sei kompleta nia aniversariu iha loron hirak mai, tanba nee husu atu hadia diak liu tan kualidade, hodi transforma informasaun neebe los no kredivel ba publiku, husu mos jornalista STL sira atu hakerek ka hatutan informasaun neebe los ba iha publiku sira hotu,” informa Prezidente Camara Comersiu Industria TL, Oscar Lima ba STL Kinta nee (14/10/2021) iha nia knaar fatin Comoro.

Nia mos afirma liu tan, jornalista sira bainhira hakerek notisia karik tenke halo balansu, nunee  bele atrai rona nain no haree nain sira, tanba ezistensia STL nian halo ona kontribuisaun boot liu husi fahe informasaun ba publiku sira, tanba nee husu hadia kualidade.

Iha parte seluk, Diretor Kompania Loja Buka Rasik, Fernando Maia hato’o parabens ba STL TV no Radio, husu atu tau nia antena iha baze ho nunee ema hotu bele asesu STL nia notisia, liu – liu TV ho Radio, tanba to’o oras nee ema barak seidauk asesu.

“Hau hanoin STL hanesan media privadu, TV ho Radio eziste nee seidauk iha TV ida atu kompete ho STL, uluk nee TVTL  ho STL TV deit, maibe TVTL media governu, STL media privadu, neebe primeiru loke TV iha TL nee mak STL, maibe la hatene tanba sa mak to’o agora ema iha area remotas labele asesu, no media balun foin mosu halo liu tiha media neebe hamriik kleur, tanba nee ba oin husu atu hadia, ho nunee ema iha remotas bele asesu mos STL TV,” dehan setor privadu nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...