Antes Halao Knaar, Embaixadores 3 Kumprimenta Ba PR

DILI, STLNEWS.co Embaixadores nain tolu (3) kumprimenta ba Prezidente Republika (PR) Francisco Guterres Lú Olo, antes sira halao knaar iha nasaun neebe haknaar an ba.

Bainhira remata kumprimenta ba PR, Embaixador TL ba Moçambique, Francisco Miranda Branco ba jornalista iha Palasiu Prezidente Bairru Pite Segunda nee (08/11/2021) hatete, bainhira sira sai primeiru sei rona mos mensajen ruma husi Prezidente Republika.

“Hanesan baibain embaixador sira antes sai husi ita nia rai mai kumprimenta Xefe estadu hodi simu mensajen Prezidente Repúblika nian,” dehan embaixador nee.

Nia hatutan, sira ba reprezentasaun iha kontinente tolu, ida kontinente Uniaun Europeia Estadu Béljika, rua ASEAN iha Tailandia, no tolu husi Áfrika (Moçambique).

Iha biban nee, Prezidente Republika (PR) Francisco Guterres Lú Olo mos hato’o mensajen katak, tenke reprezenta estadu ho diak, ho dignidade, buka formas oin – oin atu halo aprosimasaun hodi país neebe reprezenta ho Timor nia país.

Nunee mos, Embaixador Timor-Leste ba Tailandia, Juvencio Martins, hatutan sei kontinua servisu neebe durante nee lao tiha ona, buka hadia, no haburas liu tan.

(eme)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...