DILI– Atu antisipa rumoris neebe dehan sei iha movilizasaun massa husi munisipiu mai Dili, bainhira programa governu la liu iha parlamentu, maka Komandu Polisia Nasional Timor- Leste hasai orden ba komadante munisipiu atu halo passa revista ba viaturas.
Informasaun nee hatoo husi Komadante Jeral PNTL komisariu Julio da Costa Hornay ba jornalista sira, hafoin remata enkontru semenal ho Prezidente Republika Francisco Guterres Lú Olo iha palasiu Prezidensial Nicolau Lobato, Bairru Pite, Kinta (19/10/2017).
Tuir Komadante PNTL komisariu Julio Hornay katak polisia halo passa revita ka Check Point, ba Chek poin ida nee polisia laos halo deit niha sidade Dili deit maibe iha munisipiu sira hotu bainhira horseik rona informasaun katak ema balun husi munisipiu hakarak mai Dili tamba hakarak hare ida nee ida neeb, relasiona ho situasaun politika neebe lao dadaun
Hau haruka kedan komadante Munisipiu hotu hodi halo Check point hodi hare se-se maka mai Dili hodi halo saida lori kroat ka oinsa, sira mai Dili nee iha objektivu saida maibe kuandu ho grupu,” dehan Julio.
Komadante Jeral nee hateten passa revista nee halo kuandu iha grupu balun maka atu mai Dili, no ida nee komandante husi munisipiu sira informa ba nia la iha buat ida, laiha grupu ida neebe maka atu hanoin mai Dili. Natalino Costa