Antonio Armindo Konsidera UPF La Iha Problema Ho Alimentasaun

Vise Ministru Interior (VMI) Antonio Armindo, informa katak dadaun nee membru Polisia Unidade Patroilamentu Fronteira (UPF) sira la iha problema ho alimentasaun, tanba foin lalais nee governu haruka ona fos ba postu sira neebe koloka iha lina fronteira. (Foto: STL/Alberto Menezes)

DILI, STLNEWS.co – Vise Ministru Interior (VMI) Antonio Armindo, informa katak dadaun nee membru polisia Unidade Polisia Fronteira (UPF) sira la iha problema ho alimentasaun, tanba foin lalais nee governu haruka ona fos ba postu sira neebe koloka iha lina fronteira.

Kestaun nee nia kolia wainhira hasoru malu ho Xefe Governu iha Palasiu Governu, Kinta nee (25/02/2021)

“Kona ba UPF sira simu ona osan alimentasaun, depois ita mos foin lalais nee ajuda ona fos ba sira, neebe hau hanoin sira la iha problema ho alimentasaun,”dehan Vise Ministru Interior (VMI) Antonio Armindo.

Tanba nee ho apoiu nesesidade sira nee, bele apoiu rezolve UPF nia problema dadaun nee sira infrenta.

Enkuanto konaba seguransa iha lina fronteira terestre, Vise Ministru Interior nee hateten situasaun iha neeba dadaun lao diak tebes, tanba UPF hetan apoiu seguransa husi Falintil Forsa Defeza Timor Leste (F-FDTL).

“Seguransa dadaun nee iha lina fronteira lao ho diak tebes tanba dadaun nee UPF hetan apoiu seguransa husi Falintil Forsa Defeza Timor Leste, hodi asegura lina fronteira, no iha semana nee mos ita mobiliza drone hamutuk sanulu (10), ba iha fronteira hodi apoiu seguransa sira halo patroilamentu,” nia esplika.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here