APC Hamutuk Ho Membru PNTL Kuda Ai Oan Iha Terus Nain

DILI, STLNEWS.co – Governu liu husi Autoridade Protesaun Civil (APC) hamutuk ho Polisia Nasional Timor-Leste (PNTL) inklui mos Sekretariu Estadu Protesaun Civil (SEPC), Domingos Mariano Reis, hodi kuda ai oan iha area Matadoru nian, Aldeia Terus Nain, Suku Vila-Verde, Postu Administrativu Vera Cruz, Munisipiu Dili.

“Ai oan neebe ami mai kuda nee ai kase, mauk moruk, seroja, ho ai tasi neebe ami ho membru PNTL sira mai kuda iha nee,” hatete SEPC, Domingos Mariano Reis ba jornalista sira iha Aldeia Anin Fuik, Suku Vila-Verde, Postu Adimistaraivu Vera Curz, Munisipiu Dili, Sesta (26/01/2024).

Nia tenik, SEPC ho funsionariu sira husi APC hamutuk ho membru PNTL lori ai oan mai kuda iha area Kasnaf nian, Aldeia Anin fuik, Suku Vila-Verde.

“Kuandu ita kuda ai horis, ita mos kontribui hodi redus risku dezastre ba ita nia rai,” nia esplika.

Tuir nia, konaba kontrola ba ain oan sira neebe kuda ona, sei kontrolu husi Xefi Aldeia Terus Nain, atu ai oan sira nee bele moris hodi redus ba dezastre naturais iha rai laran.

“Ami hamutuk ho membru PNTL mai kuda ai oan sira nee iha rai neebe sei mamuk, atu redus dezastre naturais no kontribui mos ba mundasa klimatiku,” nia esplika.

Nia deklara, iha loron Sesta nee M\membru PNTL Ho APC sei iha kontinuasaun hodi kuda ai oan too udan para.

“Iha semana oin ita sei kuda tan iha area Balidi nian, Lahane no rai seluk iha foho leten neebe sei mamuk, ita sei kuda tan ai oan sira nee,” nia informa.

(jen)

LEAVE A REPLY

Please enter your comment!
Please enter your name here