DILI, STLNEWS.co – Autoridade Protesaun Civil (APC) rejista tan uma kain 118 mak hetan estragus husi dezastre naturais iha loron 11 Julhu 2023 iha munisipiu 8.
“Dezastre naturais akontese iha munisipiu 8, kompostu husi Ainaru, Ermera, Vikeke, Lautém, Manufahi, Bobonaro no Oekusi, hamutuk uma kain 118 mak hetan estragus,” hatete Xefi Gabinete Relasaun Externa no Komunikasaun (GREC), Anacleto Caetano ba jornalista sira liu husi konferensia imprensa iha salaun APC, Tersa nee (18/07/2023).
Nia dehan, Munisipiu Ainaru rai halai estraga uma kain 26, Baukau anin sobu uma 3 no ahi han uma 2, Bobonaro ahi han uma 1 anin sobu uma 3, Ermera ahi han uma 1 no ema nain 1 lakon vida, Lautém bee sae estraga uma 5, Manufahi anin sobu uma 1 bee sae estraga uma 2 rai halai estraga uma 27, RAEOA anin sobu uma 2 ahi han uma 3, Vikeke anin sobu uma 3 rai halai estraga uma 5 no be sae estraga uma kain 35.
Nia esplika, parte APC saida mak protesaun sivil halo husi munisipiu 8, APC servisu hamutuk ho autoridade lokal no parseiru sira halo intervensaun no fó ona apoiu emerjensia ba komunidade afetadu sira, no balun sei halo reverifikasaun no levantamentu foun hodi hetan apoiu emerjensia. Tuir dadus husi APC total uma neebe mak afetada hamutuk 1970.
“Ita haree uma afetada la signifika uma estragus uma afetadu hamutuk 1970 uma neebe afetada ou familia neebe mak afetada, maibe atu imforma ba ita boot sira katak ohin loron ami husi autoridade protesaun sivil fo sai agora ita nia Governu foun secretarios foun neebe dadus neebs mak ita konsidera hanesan atu fo apoiu iha tempu badak” nia deklara.
(jen)
