DILI, STLNEWS.co – Hahu husi loron 25 too mai 2023, durante semana kotuk akontese dezastre naturais iha munisipiu 6, neebe akontese ho tipu dezastre anin boot, ahi han nomos rai halai, tanba nee Autoridade Protesaun Civil (APC) rejistu uma kain 34 mak hetan dezatre naturais.
Kestaun nee hatoo husi Xefi Gabinete GREC, Anacleto Caetano ba jornalista sira liu husi konferensia impresa iha salaun APC, Kaikol, Dili, Segunda (31/07/2023).
“Dezastre akontese iha Munisipiu Baukau ahi han uma 2, Munisipiu Bobonaro anin sobu uma ida, no ita haree iha Munisipiu Ainaro rai halai estraga komunidade nia uma 22, no RAEOA anin sobu komunidade nia uma rua, no ahi han uma rua, Munisipiu Lautem anin sobu uma ida, ita haree mos iha Munisipiu Vikeke ema ida lakon, maibe hetan fali ona, no iha Munisipiu Manatuto ema ida lakon, iha Munisipiu Likisa anin sobu uma ida,” nia hatete.
Nia dehan, Komando APC iha munisipiu nomos parseiru relevante fornese asisten emerjensia ba familia afeitadu dezasre naturais sira hanesan ahi han no laos ahi han, (food item-Non-food item).
Nia informa, akontese dezastre naturais iha Munisipiu Aileu, Postu Administrativu Villa, Suku Fahiria, Aldeia Manlete, ahi han komunidade nia uma, no iha Munisipiu Ainaro, Postu Administrativu Ainaro Vila, Suku Manutasi, Aldeia Raebutudu, akonte rai halai estragus komunidade nia uma 22.
“Ita haree mos ba Munisipiu Baukau, Postu Adiministrativu Baguia, Suku Defawase, Aldeia Uarou, ahi han ita nia komunidade nia uma ida, nomos iha Postu Vila Baukau, Suku Trilolo, Aldeia Fatulale, ahi han komunidade nia uma, akontese ita nia inan ferik ida kanek iha kotuk laran no ain tur, mutivu husi ahi han,” nia informa.
Nia deklara, iha Munisipiu Lautem, Postu Adiministrativu Lautam, iha Suku Home Aldeia Reisoru, akontese anin boot estraga uma 1, Munisipiu Vikeke, akontese vitima nain ida lakon.
Iha fatin ketak, Komunidade Suku Defawase, Aldeia Uarou, Lindo dos Santos esplika, akontese ahi han uma ida, ahi han nee tanba fiu listrik mak terbakar, tanba nee uma nain sei toba, ahi han komunidade hakilar mak foin nia halai sai.
“Inan ferik ida mak nia uma ahi han motuk, impaktu husi fiu mak terbakar, maibe ita nia inan faluk nee sei toba iha uma laran ahi lakan boot mak foin nia hader halai sai mai, nia sasa ahi han motuk, estadu fo ona apoiu emerjensia,” nia afirma.
(jen)
