Aplika KD, Kria Kondisaun Favoravel Ba Familia

DIlI, STLNEWS.co Aseita ho governu aplika Konfinamentu Domisiliariu (KD), maibe husu atu tau matan kada familia.

“Tuir hau nia haree ka hau nia interpretasaun, bele aplika karik governu haree no identifika katak, pandemia Covid-19 inklui variante Delta aumenta iha kapital Dili. Mas tenke kria kondisaun neebe mak favoravel ba kada familia,” dehan jurista, Fernando da Costa ba STL, Kinta (26/08/2021).

Nia hatutan, labele repete tan buat sira neebe mak akontese ona iha fulan hirak liu ba, to’o komunidade sira dezaraska hodi sustenta moris familia nia.

Governu mos tenke tau konsiderasaun ba kazu neebe maka foin akontese ba inan ho oan neebe mak pessoal saude sira atende tarde, to’o inan ho oan nee tenke lakon sira nia vida husi mundu ida nee.

“Nunee razaun mak saida, tamba ita la komprende halo oinsa atendimentu pessoal saude ba iha pasiente refere, hodi nune mak sira tenke lakon sira nia vida,” hatete jurista nee.

Jurista nee dehan, informasaun neebe mak espalla ona iha media publiku katak, pessoal saude balu pozitivu, nee sai preokupasaun boot ba iha komunidade. Nee sai pergunta boot ida, oinsa ho atendementu pessoal saude ba pasiente sira moras ba iha Hospital Nasiona Guido Valadares (HNGV), sera ke la afeta negativu ba pasiente sira.

Tanba nee husu ba governu ka estadu ida nee hanoin halo didiak kuandu aplika Konfinamentu Domisiliariu, para atu labele prezudika fali ita nia komunidade ka povu ida ne. Labele halo povu mate tanba hamlaha, tanba iha situasaun neebe mak hanesan uluk akontese ona.

Iha fatin ketak, jurista, Sergio Dias Quintas dehan, governu iha razaun hodi aplika Konfinamentu Domisiliariu iha Dili, tanba aktual numeru infetadu ba Covid-19 sae makaas liu – liu iha Dili. Maibe sebele atividade neebe liga ba ema nia moris nafatin uza regras neebe fleksivel hodi asegura nafatin sidadaun sira nia moris loron – loron, hodi hetan nesesidade bazika, liu – liu ba aihan.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: