Aplika Serka Sanitaria, Inocencio: Hanesan Labarik Halimar Rai-Rahun

Program Officer ASIA Justice and Rights (AJAR), Inocencio Xavier. (Foto: STL/Santina Castro)

DILI, STLNEWS.co – Sosiedade Sivil iha rai laran konsidera aplikasaun serka sanitaria no prevensaun covid-19 iha Timor Leste hanesan labarik halimar rai rahun, tanba governu kontinua loke aeroportu interternasional hodi sidadaun estranjeiru atus rua resin tama mai iha rai laran.

Officer ASIA Justice and Rights (AJAR), Inocencio Xavier konsidera politika governu da-8 konaba aplika serka sanitaria iha Munisipiu Dili nee hanesan labarik halimar rai rahun.

“Hau dehan hanesan nee tanba ita nia rai laran ita limite ema nia movimentu Dili labele ba munisipiu sira no munisipiu labele mai Dili, maibe governu sira konsiente no loke aeroportu ba ema rai liur tama mai ita nia rai laran,” dehan Inocencio ba STL, liu husi telefone, Segunda (15/03/2021).

Nia dehan, pergunta mak durante nee antes to transmisaun lokal, no antes nee pozitivu sira mosu iha rai laran neebe rekuperadu ona ema hirak nee mai husi estranjeiru, tanba nee sira mak lori moras importadu nee mai.

Tuir loloos governu tenke taka aeroportu total, no lockdown ka serka sanitaria nafatin, tanba nee labele halimar ho hahalok governu nian hanesan nee maka ikus mai populasaun sira lafiar saida maka governu impoin.

Tanba governu dehan serka sanitaria, maibe governu husik aviaun semo tama iha rai laran, tanba nee moras nee laos mosu iha Timor, moras nee iha nasaun seluk, tanba nee ema sira estranjeiru mak lori moras nee mai iha Timor, tanba nee tuir lolos politika governu tenke hare ida nee.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here