Apoiu Governu Sosializa Vasina

DILI, STLNEWS.co – Primeiru Ministru (PM), Taur Matan Ruak husu lider partidu politiku, empreza forsa sira neebe hola parte iha soseidade sivil atu kontribui esforsu desiminasaun informasaun kona ba benefisiu husi vasina, nunee bele reduz kontiminasaun propagasaun moras Covid-19 iha Timor Leste.

Kesatun nee Taur Matan Ruak hatoo relasiona ho planu governu, atu implementa vasina ba populasaun hotu iha teritoriu laran, hodi bele kombate Covid-19 nasaun nee.

Nia dehan, vasina sira profilaxia COVID-19 nian neebe disponibiliza no fornese husi Sistema COVAX Nasoins Unidas nian no mos husi nasaun amigu sira Timor Leste nian, hatudu jenerozidade no solidariedade internasional neebe Governu agradese, liu liu tamba sai nafatin hanesan dalan mesak deit neebe efikas no sustentavel hodi hakat liu no manan moras mortal ida nee.

“Hau konvida lideransa nasional, partidu polítiku sira, empreza no forsa viva sira neebe halo parte iha ita nia Sosiedade Sivil atu kontribui ba esforsu diseminasaun no sosializasaun informasaun kona ba benefisiu sira husi vasina, neebe boot liu fali potensial risku hirak neebe iha bainhira ita simu vasina,’’ dehan Xefe Governu iha debate pedidu EE ba da-14, iha Parlamentu Nasional (PN), Sesta (28/05/2021).

Tuir xefe governu ema hotu tenke hakbesik an ba iha sentru saude atu simu vasina, nunee TL bele fila fali ba normalidade para rekupera lalais ekonomia no hari fali nasaun nee ho determinasaun neebe as.

“Vasinasaun jeral ba ita nia populasaun sai hanesan estratejia neebe diak liu atu asegura protesaun ba ita nia povu nia saude no vida, no mos dalan neebe lalais liu atu ita fila fali ba normalidade, rekupera fali ita nia ekonomia, no harii fali ita-nia pais, ho animu foun ho determinasaun no empenhu,” dehan xefe governu.

Tanba nee xefe governu nee apela ba kompriensaun husi deputadu sira, katak importante atu ema hotu hamutuk no serbisu iha ekipa atu nunee bele mobiliza povu hodi halakon COVID-19 iha nasaun nee.

Enkuantu total populasaun hamutuk rihun 65.000 mak simu ona vasina ho tipu AstraZeneca nee, neebe hahu lansamentu husi loron 7 Abril to ohin loron.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: