DILI, STLNEWS.co – Sosiedade Sivil husu ba partidu politiku sira iha tempu kampanha atu aprezenta deit vizaun ho misaun, laos insulta no trata malu iha palku leten.
“Ami husu ba partidu politiku sira hotu atu aproveita tempu kampanha nee diak liu koalia planu no programa, evita tiha deit insulta malu, koalia aat malu iha palku leten, maibe promove liguajen hodi eduka ita nia sidadaun sira, tanba TL oras nee daudaun hola parte iha Fraternidade Humana,” lia hirak nee fo sai husi Diretor Ezekutivu FONGTIL, Valintim da Costa Pinto ba STL liu husi mensajen, Domingu (07/05/2023).
Tuir nia, konstituisaun primite partidu politiku sira bele halo propoganda politika, tanba lei premite, tanba nee sidadaun sira mak tenki matenek haree ba planu no prioridade neebe partidu sira halo, programa sira nee sei realiza duni ka lae, bainhira povu fo fiar, tanba anu politiku partidu politiku sira bele koalia saida deit, maibe tanba TL pas parte ba iha Fraternidade Humana, mak diak liu hatoo deit planu no programa, labele trata malu iha palku kampanha, oinsa koalia konseptu, vizaun ho misaun saida mak atu halo bainhira hetan konfiansa husi povu.
Iha parte seluk, Koordenador Lao Hamutuk, Celestino Gusmao Pereira hatutan, kada tinan lima partidu politiku sira tun ba halo kampanha aprezenza sira nia programa no planu, maibe dala ruma iha palku kanpanha, sira la aprezenta buat neebe sira iha, maibe ba insulta malu fali iha palku leten.
“Ita haree katak, kampanha tinan ida nee sei lao diak maski mosu konflitu oituan entre militante sira iha baze, tanba nee husu nafatin ba partidu politiku, diak liu aprezenta planu no progama, karik ukun tinan lima, saida mak atu halo ba povu no rai ida nee,” dehan Sosiedade Sivil nee.
(mad)
