Aranka Ba Estranjeiru, Xanana Sei Lori Palestra Iha Japaun

DILI, STLNEWS.co – Lider Karismatiku Kay Rala Xanana Gusmão atual Pesoa Eminente g7+, aranka ba rai liur hodi partisipa enkontru iha nasaun rua, Japaun ho Portugal.

Lider karismatiku nee aranka iha loron Kinta (18/11/2021) ho aviaun Batik Malaysia, iha oras tuku 9:00 liu. Maibe lider karismatiku nee to’o iha Aeroportu Internasional Nicolao Lobato Comoro, Dili, tuku 8:30 dadersan.

Tuir informasaun neebe iha katak, Xanana Gusmao sei iha Japaun durante semana, hafoin kontinua hikas ba Lisboa – Portugal. Iha Japaun, Xanana Gusmao sei simu Honorario Doctorate rua husi Universidade Japaun, inklui sei lori mos palestra.

Aleinde nee, informasaun neebe iha katak, ajenda iha Portugal sei atende enkontru balu ho membru g7+, sei partisipa husi prezidente ba organizasaun husi nasaun Sirileon (Senior Offisial Meeting).

Nunee mos, lider karismatiku nee sei hasoru malu ho delegasaun husi Cosovo, hodi fahe esperiénsia konaba prosesu rekonsiliasaun Timor Leste ho nasaun vizinu Indonezia. No Delegesaun husi Cosovo rasik konsidera TL ho Indonezia sai hanesan referensia ba sira.

(gui)

LEAVE A REPLY

Please enter your comment!
Please enter your name here