Arão Agradese Fundadores Inisiativa Proklamasaun Independensia

DILI, STLNEWS.co – Relasiona ho komemorasaun loron Proklamasaun Independensia 28 de Novembru ba dala XLVI (46), deputadu husi Bankada CNRT agradese ba fundador sira, neebe ho inisiativa proklama ona Timor Leste nia Independensia Unilateralmente.

Liafuan agradese nee hato’o husi Deputadu Bankada CNRT, Arão Noe ba STL, Sesta nee (26/11/2021) iha Parlamentu Nasional.

“Dala ida tan ita komemora loron proklamasaun independensia ba dala XLVI (46) iha 28 de Novembru, hakarak agradese ba ita nia fundador estadu nee nian, ho inisiativa halo proklamasaun 28 de Novembru 1975 nian, ho prinsipiu nee, ita kaer huun ba luta hodi defende ba ukun rasik an, agora ita moris livre,” katak Arão Noe.

Deputadu nee aproveita hakarak agradese ba sira neebe fo an ba luta hodi defende rai ida nee to’o agora moris livre, ba sira hotu neebe mak mate tanba moras, hamlaha i tanba sira nia mate agora hetan liberdade.

Nia informa, povu iha rai nee livre ona, maibe atu liberta povu husik kiak no mukit seidauk, tanba nee presiza ema hotu fo liman ba mlau, atu bele konkretiza mehi ida katak, liberta patria no liberta povu.

Deputadu Arão hato’o parabens ba ema hotu neebe sei moris, i agradese no husu ba Nai Maromak atu haraik fatin diak hakmatek ba kombatentes sira hotu neebe mak mate ona, hahu husi Francisco Xavier do Amaral, Nicolao Lobato no sira seluk tan neebe mak defende rai ida nee hodi moris livre.

(gui)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...