Arcebispo Husu Sidadaun Iha Karantina Kumpre Regulamentu

Arcebispo Arquidiocese Dili, Dom. Virgilio do Carmo da Silva, SDB. (Foto: STL/Claudios de Jesus)

DILI, STLNEWS.co – Arcebispo Arquidiocese Dili, Dom. Virgilio do Carmo da Silva, SDB husu ba sidadaun neebe maka iha karantina, atu kumpre regulamentu neebe maka iha, nunee bele evita movimentasaun Covid-19 iha rai laran.

Kestaun nee Dom. Virgilio hatoo liu husi konferensia imprensa neebe halao iha rezidensia Arcebispo Diocese Dili, Lecidere (30/12/2020).

“Movimentu hirak nee sira labele kontrola no lakon pasensia, ho nunee Timor tomak sei lori nia konsekuensia,” hatete Dom.Virgilio.

Ho situasaun hirak nee hotu Arcebispo hatete, fanun ema hotu bele fo liman ba malu, hodi hases moras nee husi ema hotu, liu husi dalan prevensaun.

Tanba meus ida nee laos deit ema ida nia esforsu, maibe ema hotu persiza hakaas an hodi bele halo buat ruma, hodi labele husik virus nee kontinua daet iha rai ralaran.

“Ba tinan tuan nee mai ita hotu fo liman ba malu, atu todan nee husik tinan tuan nee lori no ita hakat ba tinan foun ho esperansa, atu vasina neebe lao bele fo esperansa ba povu Timor,” Dom. Virgilio salienta.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here