Armindo Apresenta Konseitu Dezenu Postu UPF Ba PM Taur

Vise Ministru interior (VMI) Antonio Armindo ho Ekipa Arsitektur Minesteriu interior nia aprenzenta konseitu dezenu infraestrutura postu Unidade Patroilamentu Fronteira (UPF) ba Primeiru Ministru (PM) Taur Matan Ruak nudar mos ministru interior, neebe tuir planu sei tau Prioridade ba iha orsamentu jeral Estadu 2021. (Photo: STL News/Alberto Menezes

DILI, STLNEWS.co – Vise Ministru Interior (VMI) Antonio Armindo ho Ekipa Arsitektur Ministeriu Interior nia aprenzenta konseitu dezenu infraestrutura postu Unidade Patroilamentu Fronteira (UPF) ba Primeiru Ministru (PM) Taur Matan Ruak nudar mos ministru interior, neebe tuir planu sei tau Prioridade ba iha Orsamentu Jeral Estadu 2021.

Vise Ministru Interior dehan, husi sorumutu ho Primeiru Ministru (PM) Taur Matan Ruak nee atu aprezenta Konseitu Dezenu Infraestrutura postu Unidade Patroilamentu Fronteira (UPF) neebe tuir planu sei tama iha planu prioridade Ministeriu interior iha Orsamentu Jeral Estadu (OJE) 2021.

“Ita aprezenta dezenu konaba postu UPF nian neebe maka foin daudaun nee ita lao ba fronteira para identifika hela neebe ohin tama ba iha faze dezenu nian, tanba nee dezenu hotu ona no ohin aprezenta ona, i depois aban sei ba tan estasaun Comoro para atu haree tok i para atu kompleta dezenu hirak nee depois ita atu enkaixa ba iha orsamentu 2021,” haktuir Komunikadu Gabineti Primeiru Ministru neebe STL asesu iha Kuarta (26/08/2020)

Primeiru Ministru no Vise Ministru Interior apresia no konkorda ho dezenu neebe aprezenta, kona ba postu UFP, inklui eskuadra PNTL Komoro, neebe tama hotu ona ba prioridade ba tinan fiskal 2021.

“Primeiru-Ministru apresia teb-tebes konkorda ho dezenu hirak nee i iha postu 6 que ita tenke halo iha 2021 hamutuk tan ho eskuadra Comoro. Postu 6 nee, 3 entre Mota ain ho Salele no 3 entre Sakato ho Citrana iha Oecusse no ida tan mak ita-nia eskuadra Comoro nee prioridade ba iha 2021,”

Entretantu iha fulan Jullu kotuk, Ministru Interior orienta nia Vise Ministru hamutuk ho Arkitetu Primeiru-Ministru nian halao ona vizita ba terenu iha fronteira Mota-ain-Bobonaro too Salele Suai no kontinua ba fronteira Sakato, Oesilo, Pasabe no Citrana hodi identifika Postu UFP sira neebe presiza urjentemente atu hadia iha Orsamentu Jeral Estadu ba tinan 2021 nian.

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here