Armindo: Presiza Halo Mudansa Ba Komandante Postu

DILI, STLNEWS.co – Vise Ministru Interior (VMI), Antonio Armindo informa presiza duni halo mudansa ba Komandante Polisia Nasional neebe servisu kleur iha postu sira.

Kestaun nee Vise Ministru Interior koalia hodi responde ba preokupasaun sosiedade sivil neebe rekomenda ba Ministeriu Interior no Komandu Jeral Polisia Nasional Timor Leste (PNTL) atu halo restrutura iha instituisaun PNTL, relasiona ho akontesementu oknum PNTL uza arma tiru populasaun sira.

“Sosiedade sivil nia rekomendasaun kona ba reestruturasaun iha instituisaun PNTL, no ita hanoin hela atu halo mudansa tanba ida nee importante tebes, maibe desizaun tenki Ministeriu Interior mak bele hasai,” dehan VMI Antonio Armindo iha Ministeriu Finansas Aitarak-Laran Kuarta (09/06/2021).

Tuir nia komandante eskuadra sira neebe serbisu kleur ona iha fatin ida no falla kontrola nia membru sira tenki halo duni reestruturasaun.

“Presiza halo mudansa nee tanba iha komandante postu sira, tanba iha komandante balun halo serbisu kleur iha postu ida, portantu lojika nee pelumenus tinan ida ka rua ita muda fali ba fatin no seluk mai fali, para bele haree ida neebe mak iha abilidade, no sira neebe la iha abilidade ita bele haruka sira ba tuir formasaun,” nia esplika.

Antes nee, portavoz Rede Defensor Direitu Umanu (RRDU), Ivo Colimau Lai husu ba Ministru Interior atual Primeiru Ministru Taur Matan Ruak atu halo remodelasaun ba kargu komando PNTL, hahu husi Komisariu, Komandante Munisipiu Dili, Komandante Operasaun Munisipiu Dili, nomos Komandante seksaun neebe mak autor Marianu enkaisa ba hodi nunee lori fali imajen foun iha instituisaun PNTL, liu liu iha Munisipiu Dili.

Entretantu matebian nain rua (2) neebe mak membru polisia tiru mate iha Sabadu (05/06/2021), ho naran Filomeno de Deus ho nia oan mane Camilo de Deus.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: