Artista Timor Oan Husu Promove Muzika Dansa Kultura Tebe-Tebe

DILI, STLNEWS.co – Artista Timor oan, husu governu atu promove muzika no dansa kultura Timor-Leste nian, hanesan tebe-tebe ka tebe-likurai, atu nunee nasaun seluk labele foti dansa ho muzika orijem Timor nian.

Tuir Artista Timor oan, Abio Salsinha katak, nia parte haree video ida fo sai iha iha televizaun Indonezia, husi parte NTT agora dadaun sira halo hela treinamentu ba muzika kultura nian, atu hatudu dia 17 Agustu, sira sei ba kompete dansa kultura nian. Maibe dansa kultura nee kuaze atu hanesan Timor nian.

“Hau haree video nee hau hakfodak tanba sira lori dansa kultura tebe-likurai, neebe kuaze atu hanesan Timor nian. Tanba nee hau husu ba governu labele nonok tanba muzika kultura tebe-likurai nee ita Timor nian, iha momentu ita nia avo beila, sira uza halo dansa tebe-likurai ka tebe-tebe hodi simu bainaka sira”, hatete Abio Salsinha ba STL, Domingo (30/05/2021) iha Tasi-Tolu.

Nia dehan, iha nasaun vizinu hanesan Indonezia sempre promove kultura tebe-tebe nee, tanba durante nee UNESCO fo hela kriteria balu, kona ba dansa kultura tebe-tebe ka tebe-likurai.

Neebe karik Timor iha osan bele halo kompetisaun kultura ba tebe-tebe kada munisipiu, atu nunee bele priense kriteria UNESCO nian.

Tanba tuir Abio, se Timor lapromove mak nasaun seluk promove sira nian, ikus mai mak ema foti nasaun seluk hanesan Indonezia nian, ida nee Timor nia muzika identidade loos mak ida neebe, tanba nia parte haree Indonezia nia tebe-tebe ne kuaze atu hanesan ho Timor nian.

“Governu labele nonok deit, ita mos tenke book aan oinsa atu promove dansa no muzik kultura tebe-tebe nudar ita nia muzika tradisional. Tanba Timor nia uniku mak iha kultura hanesan tais, dansa no muzika tanba nee presiza tau atensaun ba ita nia kultura dansa no muzik tebe-tebe”, tenik Abio.

Nia mos preokupa tanba agora seidauk iha lei ida atu regula ba autor ka kantor sira, tanba nee husu governu no parlamentu no mak Almamor atu tau atensaun ba lei ba autor ka kantor sira, nunee fo importansia mos ba Timor nia dansa no muzika tebe-tebe.

Entretantu Prezidente Komisaun F trata asuntu Edukasaun, Artes no Cultura, Sidadania Antonio Verdial hatete, tuir komisaun nia observasaun katak agora dadaun governu prepara hela lei ida atu hodi regula autor ka kantor sira, i nunee mos bele haree mos ba kultura Timor nian kona ba dansa no muzika tebe-tebe.

Neebe tuir nia, preokupasaun sira nee, Sekretariu Artes e Kultura prepara hela oinsa atu kria esbosu lei ida hodi asegura atividade sira nee tomak, inklui mos promove dansa no muzika tebe-tebe.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: