DILI-Prezidente Partidu Demokratiku atual deputadu bakada PD Mariano Assanami Sabino, hirus partidu politika sira, tanba uteliza veternus hodi hetan votus iha eleisaun.
Durante nee ita fo apoiu lubuk ida ona ba veteranus sira neebe ke moris, I ita mos halo jardim de erois, ba funu nain asuwain sira hotu, maibe durante nee ita mos halo politizasaun ba veternus sira, ita uja veternus sira para hamrik hodi buka votus ba partidu sira iha eeisaun,” dehan deputadu Assanami, iha debate OJE 2019 na Espesilidade, iha PN, Segunda (17/12/2018).
Tanba nee Prezidente Partidu Demokratiku Assanami mos hakarak Parlamentu Nasional, komesa ohin ba oin labele politiza veteranus, tanba bainhira fo medalha ba sira, sira merese para atu vota.
Nee duni Komisaun homenajen presiza buka tuir maluk rezistensia, laos hatete dehan ida nee mak halo ida nee, ida neeba mak halo ida neeba nee mak komisaun homenajen ninia servisu.
Nia dehan, Veteranus sira nia luta ba rai ida nee laos hamrik ba partidu deit, laos atu habot ba partidu ida nian, tanba nee mak PD iha konsensia hare katak presiza tau fatin neebe dignu ba veteranus sira.
Iha fatin hanesan deputada Josefa Pereira Soares mos konkorda tebes saida mak Prezidente Partidu Demokratiku Assanami kolia, lalika dehan lae, nee realdade, tanba dala barak parapol sira husu demais boleia ba veternus ba sira nia interese politiku.
Entretantu Albina Marsal husi bankada CNRT hatete, Nudar veternus hakarak hatan deit deputadu Assanami nia estetimentu governu estadu TL rekoinse ona veterenus hotu hotu, neebe mak sira simu sira nia pensaun neebe mak hetan, laos tanba ema ba politiza sira veteranus sira iha palku leten, maibe nudar veteranus nuda sidadaun iha direitu atu hili partidu neebe mak nia hakarak. Notisia kompletu lee iha jornal STL edisaun Tersa (18/12/2018). Carme Ximenes