Asaun Xanana, Gabriel: Matan La Haree, Fuan Sente

DILI, STLNEWS.co – Maske laharee asaun Xanana Gusmão, iha Izolamentu Vera Cruz ba mate isin Armindo Borgues, maibe defisiente matan hatoo sentimentu solidaridade ba asaun Lider Xanana halo nee defende lia loos.

Tanba nee defisiente matan husu Governu foti desizaun lalais entrega mate isin ba famalia ho Xanana.

Maske defisiente matan, maibe fuan senti, hodi nunee mai hatoo sentidu solidaridade ba asaun neebe Lider nee halo, liu liu liga ba iha Covid, nunee mos ba matebian Armindo Borgues.

Defisiente Gabriel de Sousa hatete, haree ba realidade neebe iha liga ba covid neebe mak asaun Xanana nian, hatudu ba parte hotu atu halo tuir buat neebe loos, tanba lider nee defende lia loos, neebe presiza ema hotu atu halo tuir.

“La haree asaun neebe Lider Karismatiku nee halo, maibe sira iha sentimentu katak Xanana halo nee defende lia loos, neebe asaun nee atu hatudu ba ema hotu katak atu lao tuir dalan loos”, katak Gabriel.

Nia dehan, hanesan defisiente matan husu ba lider hotu atu buka solusaun ba inserteza matebian Armindo. Husu ba Governu lalais hasai solusaun atu labele fo terus ba Lider Xanana, tanba ohin ba loron dahaat ona.

Defisiente matan nee husu atu Governu buka solusaun lalais hodi entrega mate isin Armindo Borgues ba Xanana ho família matebian.

Iha hasoru malu nee, Lider Karismatiku Kay Rala Xanana Gusmão hatoo, “Obrigado tebes ba imi matan laiha, no laharee maibe hatudu katak imi iha sentimentu, maibe balu matan nakloke hela maibe laiha sentimentu” hatete Xanana.*

Reportajen: Ekipa STL

LEAVE A REPLY

Please enter your comment!
Please enter your name here

NEWS UPDATE

Negosiante OB Manleuana Labele Okupa Estrada

DILI, STLNEWS.co - Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no...

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...
%d bloggers like this: