DILI, STLNEWS.co – Atleta modalidade 3 husi Komite Paralimpiku Nasional Timor Leste (CPNTL) sei partisipa iha kompetisaun Asean Para Games, neebe mak sei realiza iha Solo Indonezia fulan Julhu tinan nee, tanba nee governu liu husi Sekretaria Estadu Juventude no Desportu (SEJD) husu atleta sira esforsu makaas no hatudu rezultadu diak ba Timor Leste.
Lia hirak nee hatoo husi r eprezentante SEJD, Diretora Alta Kompetisaun, Maria Luiza Monteiro ba jornalista sira hafoin halo lansamentu preparasaun ba atleta P
Paralimpiku sira iha GMT, Dili (07/05/2022).
Nia dehan, ho lansamentu ida ohin, husi parte governu liu husi SEJD iha komitmentu para atu apoiu ba modalidade sira hotu neebe mak hamahan aan iha CPNTL nia okos, liu-liu modalidade 3 hanesan Atletizmu Powerliften ho tenis meza sei halo preparasaun atu ba kompete iha Asean Para Games iha fulan Julhu oin mai iha Solo Indonezia.
“Agora daudaun governu husu rezultadu, tanba nee mak husu ba modalidade sira neebe mak halo lansamentu nee tenki esforsu makaas para hodi foo rezultadu neebe mak diak, hodi ba kompete iha Asean Para Games Solo Indonezia,” tenik nia.
Nia hatete, orsamentu neebe mak preve ba halo preparasaun nee rasik iha US$ 38.10 ba halo preparasaun.
“Hau hanoin katak atleta sira tenki iha esforsu makaas, tenki iha servisu ekipa prepara sira nia aan halo didiak, liu-liu prepara sira nia mental atu kompete no mos tekniku sira nee, i sira mos tenki rona malu, para husi parte governu suporta oinsa mak atleta ho federasaun sira ba kompete hodi foo rezultadu,” nia hakotu.
(mar)
