Asegura Fronteira Labele Iha Atividade Ilegal

Komandante Jeral Polisia Nasional Timor Leste, Komisariu Faustino da Costa. (Foto: Media PR)

DILI, STLNEWS.co – Polisia Nasional Timor Leste (PNTL), buka meus oinsa asegura nafatin fronteira, atu nunee labele iha atividade ilegal, iha area neeba.

Dehan Komandante Jeral Polisia Nasional Timor Leste, Komisariu Faustino da Costa ba jornalista, bainhira remata enkontru ho Prezidente Republika, iha Palasiu Prezidente Nicolau Lobato, Dili, Kinta (28/01/2021).

“Assuntu neebe ohin ami diskute mak fronteira, katak oinsa mak asegura fronteira labele iha atividade ka ema ilegal. Nunee hatoo kondisaun ba membru sira oinsa mak serbisu ho autoridade sira iha area neeba,” hatete Komisariu Faustino.

Nia hatutan, seguransa iha fronteira husi postu ida ba postu seluk lao ain dook ba malu, tanba nee presiza iha koperasaun husi komunidade sira.

“Hau dehan bebeik ona ba ita boot sira katak, postu ida ba postu seluk tenke lao ain 29 kilomentru ho kapasidade rekursu neebe ita iha, kuandu laiha kooperasaun husi ita nia komunidade sira iha fronteira susar, tanba nee primeiru ami orienta parte ami nian katak fronteira tenke duru, se deit labele halo buat neebe hakur ilegal,” dehan nia.

Nia hatutan, presiza iha kooperasaun husi parte hotu neebe mak iha fronteira liu liu koperasaun lider komunitariu, komunidade sosiedade iha fronteira no tenke hatene katak moras nee risku, tanba nee labele halo atividade ruma iha area fronteira.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here