Asidente CPLP, Laos FDTL Lori Kareta

Komandante Polisia Nasional Timor Leste (PNTL), Munisipiu Dili, Superintendente Xefe Henrique da Costa. (Foto: STL/Claudios de Jesus)

DILI, STLNEWS.co – Prosesu investigasaun ba asidente neebe akontese iha Ponte CPLP Comoro iha loron hirak liuba, laos membru F-FDTL mak lori kareta, maibe nia hanesan mos pasajeirus deit.

Komandante Polisia Nasional Timor Leste (PNTL), Munisipiu Dili, Superintendente Xefe Henrique da Costa klarifika lolos kona ba prosesu investigasaun ba asidente neebe akontese iha Ponte CPLP Comoro iha loron hirak liuba. Iha asidente neebe mak membru F-FDTL mos iha kareta laran hela nee hanesan mos pasajeirus deit.

“Laos nia mak lori kareta, maibe ida fali lori kareta nee maka kondisaun lanu, no nia maka ita bolu mai para halo investigasaun” hateten nia liu husi konferensia imprensa iha Komando Munisipiu Dili (KMD), Segunda, (11/01/2021).

Nia hatutan katak, iha akontesementu asidente nee rezulta mos ema kanek balu, maibe konsege lori kedas ba iha Hospital Nasional Guidu Valadares, (HNGV) hodi halo tratamentu no kazu nee iha lori polisia hodi bele hare nia prosesu ba oin mai.

Aleinde nee iha konferensia nee mos komandante Henrique mos esplika konaba programa implementasaun apoio nesesariu ba komunidade sira piu husi sesta bazika, neebe maka publiku sempre kestiona konaba distansiamentu sosial, no mos eskola portugues neebe maka implementasaun prosesu de aprendizajen kontinua lao hela.

Nia hatutan katak, sesta bazika nee hanesan programa governu nian, “Se ita hapara ida nee, ita hatene katak komunidade sira agora dadauk mos presiza hela hahan, no konaba eskola portugues nee konaba eskola internasional sira, no nee mos iha dekretu nee rasik autoriza atu sira kontinua halo atividade.

Iha biban nee mos Komandante Munisipu Dili, haklaru katak, nee oaos kompetensia husi parte polisia nian, maibee nee kompetensia husi parte guverno nian, liliu ba Ministeriu Edukasaun, Juventude, no Desportu (MEJD) hodi bele hare konaba Ida nee.

Nia hatutan, tamba iha dekretu lei autoriza ona ba eskola portugues no eskola internasional, sira kontinua ho prosesu aprendizajen, ho nunee parte polisia so bele halo tuir deit.

Reportajen: Claudios de Jesus
Editor: Carme Ximenes

LEAVE A REPLY

Please enter your comment!
Please enter your name here