Asidente Iha Nunumoge, 1 Mate No 1 Kanek Todan

DILI, STLNEWS.co – Relasiona ho asidente neebe foin lalais akontese iha Tersa (24/08/2021) mais ou menus loraik oras 14:00 ba leten, kareta F-FDTL ida baku fila iha area Nunumoge, Postu Administrativu Hatubeliko, Munisipiu Ainaro, rezulta ema ida mate fatin, ida kanek todan, no nain hat seluk kanek kmaan.

Tuir informasaun neebe STL hetan husi Administrador Postu Hatubeliko, Munisipiu Ainaro, Armando de Araujo, hatete ohin loraik nia simu informasaun katak kareta F- FDTL ida baku fila iha area Nunumoge nian, iha kareta nee iha ema nain neen (6), neebe ho kondisaun kanek hotu. Tanba nee nia haruka kedas Xefe Aldeia ba iha fatin akontesimentu nee, hodi haree kondisaun vitima sira nian iha fatin refere.

Nia katak, iha akontesimentu nee parte seguransa Polisia Nasional Timor Lorosae (PNTL) nian ba to’o fatin hodi foti vitima sira, no dada tali iha fatin akontesimentu.

“Iha loraik tuku 14:00 ba leten nee mak hau simu informasaun husi komunidade sira katak, kareta F-FDTL nian ida baku fila iha Nunumoge, iha ema nain 6 mak iha kareta nee. Nee mak hau haruka xefe aldeia ba kedas iha fatin akontesimentu hodi haree direita kondisaun iha neeba. Iha akontesimentu rejulta ema feminina F- FDTL ida mate fatin, mane ida kanek todan, no nain haat (4) seluk kanek kmaan. Oras nee dadaun sira nain lima (5) sei halo hela tratamentu iha Hospital Ainaro nian,” dehan nia liu husi telefone, Tersa kalan (24/08/2021).

Nia hatutan, vitima nain neen (6) nee feto ida, mane nain lima. Mane ida mak kanek todan no nain haat (4) seluk kanek kmaan, agora dadauk sira hotu iha Hospital Ainaro. Konaba kondisaun nain ida (1) neebe kanek todan no nain haat (4) seluk nian, oras nee dadaun mediku husi Munisipiu Ainaro mak halo hela atendementu ba sira.

Entretantu tuir informasaun iha media sosial katak, F-FDTL nain neen (6) nee husi instituisaun Componente Naval nian, no femenina neebe mate fatin naran Juliana da Conceição.*

Reportajen: Domingas Gomes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: