Asidente Trafiku Becora, Kondutor Halo Tratamentu Iha HNGV

DILI, STLNEWS.co – Akontesimentu kareta husi membru FALINTIL – Forsa Defeza Timor Leste (F-FDTL) ida hetan asidente trafiku iha area Becora, Postu Administrativu Cristo Rei, Munisipiu Dili, rezulta membru F-FDTL ida hetan kanek.

Tuir sasin Mariano Pereira Monteiro hanesan komunidade neebe hela besik iha fatin akotesimentu nee informa, akontesimentu nee akontese hodi kalan, soke husi membru F-FDTL nain ida, maizoumenus tuku 00.29 OTL, neebe halai ho velosidade makaas husi kraik sae mai, nunee mai soke los nuu ho besi riin eletresidade nian no hadak faan modo.

“Hodikalan nee ami toba hela iha estrada kraik, hakfodak rona ba tarutu, ami halai sae mai haree, rai rahun taka metin tiha kareta,” dehan nia iha fatin akontesimentu ba STL iha Becora, Dili, Segunda nee (04/10/2021).

Iha biban nee nia hatutan, akontesimentu nee estraga mos besi riin eletrisidade nian. Tanba nee husu ba parte eletrisidade nian atu mai hadia lai besi riin nee, nunee anin boot mai labele monu hanehan komunidade sira.

Iha fatin seluk, Komandante Polosia Nasional Timor Leste (PNTL) Tranzitu Dili, Inspektur Domingos Sarmento Gama hatete, asidente neebe akontese iha area Becora ‘Prizaun Oin’ nee, hanesan asidente tunggal neebe involve husi membru F-FDTL ida ho inisial LCS, mak konduz kareta marka Isuzu, sapa matrikula F-FDTL 230, ho objetivu atu ba Munisipiu Baucau, maibe to’o iha area Becora nian falta de kontrolu, nunee soke besi riin, kareta rasik hetan estragus, kondutor mos hetan kanek parte ain no raan sai husi inus. Kondutor nee evakua kedas ba Hospital Nasional Guido Valdares (HNGV) hodi halo tratamentu.

“Agora dadaun ami foti ona dadus no iha ona prosesu nia laran,” dehan Komandante Tranzitu Munisipiu Dili.

Nia hatutan, komesa hodikalan ita nia Polisia Militar (PM) rasik tuun diretamente ba terenu, sira rasik foti ona evidensia, hein kondutor nee nia kondisaun diak ona, mak ita sei foti deklarasaun konaba asidente refere.*

Reportajen: EST/01-02

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...