Assanami: Asaun Xanana Ajuda Governu

DILI, STLNEWS.co – Deputadu Bankada PD, Mariano Assanmi Sabino hatete, asaun lider Karismatiku Xanana Gusmão nia ajuda povu nee diak, tanba ajuda governu hodi hakmaan susar ho terus komunidade sira nian.

Informasaun nee hatoo husi Deputadu Mariano Assanami Sabino hatete, kona ba komunidade sira agora hamlaha, asuntu nee nian parte levanta tan iha PN, maibe governu ladun sensitive ba ajudu urjente ba populasaun.

Iha orsamentu retifikativu iha orsamentu neebe mak konsentra ba inundasaun iha 100 millaun ital. I nunee mos iha orsamentu neebe aloka ba fundu covid nian, atu hodi apoiu rapidamente ba povu. Halerik ba aihan nee laos povu deit mak lamenta, maibe deputadu iha PN, nee mos kada plenaria nee sempre hatoo, atu nunee ministeriu kompatenten sira bele aselera lalais.

“Haree ba asaun Xanana ho nia ekipa apoiu komunidade nee hau hanoin se deit iha direitu atu apoiu no servisu ba povu, ida nee diak liu tan ba governu tanba ajuda ona governu, neebe ita tenke agredese, ba ema neebe apoiu, i governu mos lahasai osan,” dehan nia ba jornalista iha PN Segunda (31/05/2021).

Nia dehan, PD fo ona hanoin maibe iha proposta lapasa iha PN, maibe ita tau osan nee seim programa, neebe husi osan neebe mak aloka ona nee tuir loos rapidamente tenke apoiu ba komunidade sira neebe mak afeta ba inundasaun no vitima ba SS ho EE.

Karik iha planu ba bairu foun nee tama ona programa, maibe ba apoiu urjente nian tenke haree lalais ona. Tanba PN ho governu nee empresta ukun povu nian, neebe haree situasaun difisil hanesan nee atu haree sira.

Reprezentante povu nee afirma, sira iha komitmentu para apoiu ba governu nee tanba komitmentu, laos komprimisiu, i kometmentu nee lakohi povu terus ba hamlaha, no lakohi hanaruk impase politik i hakarak governante apoiu populasaun maske PD rasik lahola parte iha governu.

Iha parte seluk, komunidade Tasi Tolu, Mario de Deus Maia, hatete, husu ba governu atu tau matan ba povu kiik sira, tanba agora estadua emerjensia ami araska ba aihan.

“Maske ami iha Maslidun difikudade ba dalan ho bee mos, maibe agora daln diak ona, tanba nee ami araska ba aihan,” dehan nia.

Nia husu ho situasaun EE ho SS hasusar deit sira, tanba nee husu governu atu loke dalan hodi sira fila ba foho, hodi haree mos hahan iha foho atu sustenta sira nia moris.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: