Assanami Husu SEJD Tau Osan Ba GAM

Mariano Assanami Sabino. (Dok: STL)

DILI, STLNEWS.co – Deputadu Mariano Assanami Sabino husu ba Sekretariu Estadu Juventude Desportu (SEJD), ba oin atu tau isan ba Grupu Arte Marsial (GAM) neebe iha lisensa.

Kestaun nee hatoo husi Deputadu Bankada PD Mariano Assanami Sabino iha intervensaun debate OJE 2020 iha faze espesialidade ba loron daruak Tersa (06/10/2020) iha PN.

“Agora dadaun ema barak kestiona kona ba Grupu Arte Marsiais, tanba nee husu para tau mos osan atu oinsa bele halo sosializa ba povu sira sira kraik, kuandu iha ona lisensa. Atu nunee hodi dignifika joventude sira tanba sira neebe inklui iha GAM dalaruma sai vitima ba estetimentu lideransa sira nian”, katak Assanami.

Hatan ba kestaun nee Sekretariu Estadu Juventude no Desportu (SEJD) Abrão Saldanha hatoo, obrigado barak ba konsensia deputadu nian ba GAM. “Iha osan ida nee ami hahu ona prosesu oinsa atu haree ba GAM, i atu hahu estudu fila fali lei neebe mak uluk PN rasik aprova, i atu haree lejislasaun hirak neebe ita halo nee responde duni ba nesesidade ka problema neebe iha kalae”, katak Abrão.

Nia dehan, ba tinan ida nee hela fulan 2 atu hahu ida nee, i tinan oin sei haree atu kontinua ida nee, neebe laos deit ba supervizaun, maibe oinsa atu regulariza i hodi haree lei ba ida nee, tanba iha forma depresaun tanba nee mak sei halo reazusta fali lejislasaun ida neebe garante akomoda diak interese ema hotu nian atu nunee bele implementa iha kraik.*

Reportajen: Domingas Soares/Guilhermina Franco

Editor: Ekipa STL

LEAVE A REPLY

Please enter your comment!
Please enter your name here