Assanami Kestiona Uma Ba Restus Mortais Iha Kraras

DILI, STLNEWS.co – Tuir Deputadu Bankada PD Mariano Assanami Sabino, kestiona konaba uma ba restus mortais sira neebe mak iha jardin herois Kraras kuaze aat hotu.

Nia dehan, akontesimentu ida neebe mak akontese iha Kraras nee, subkuensia husi levantamentu nee, tanba nee mak baibain iha Kraras iha loron 16 nee, sira hader ai-fuanan no loron 17 nee sira ba kari ai-aifunan, maibe laiha prezensa husi estadu.

“Restus mortais neebe tau iha jardin herois Kraras nee, kuaze uma sira nee aat hotu, no sira neebe mak hein iha neeba labele loke eletrisidade iha laran, tanba lampu sira iha laran, tauk loke ba mak ahi han tiha uma sira nee. Neebe nia husu presiza tau atensaun ba ida nee,” lia hirak nee hato’o liu husi plenaria iha Parlamentu Nasional, Segunda nee (20/09/2021).

Nia akresenta, hanoin importante konaba restus mortais nee, ita tenke identifika diak, no halo iha fatin sira neebe mak merese tuir level neebe mak sira iha, nee importante tebes,

Nunee mos, Ministru Asuntu Parlamentar no Komunikasaun Sosial (MAPKOMS),Francisco Martins da Costa Jeronimo dehan, relasaun ho jardin dos herois iha Kraras nee, sei informa ba iha parte relevante.

“Konaba restus mortais iha Kraras nee, ami sei toma nota hodi informa ba Ministeriu Antigus Kombatente Libertasaun Nasional, atu nunee ministru rasik bele hato’o resposta mai iha Parlamentu Nasional,” hakotu nia.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...