Assanami: Presiza Halo Reflesaun Klean, Labele Lakon Prinsipiu Lutador

DILI, STLNEWS.co – Reprezentante povu iha uma fukun Parlamentu Nasional (PN) liu husi Deputadu Bankada Partidu Demokratiku (PD), Mariano Assanami Sabino, husu ba lider sira hotu atu halo reflesaun klean depois de komemora loron 20 fulan Maiu.

“Depois loron 20 fulan Maiu nee, hau hanoin ita presiza halo reflesaun klean ho didiak orsamentu sira neebe mak ita diskuti ba iha vetaranu, halot restu mortais no mos ba iha jardin de herois nee laos ajuda, maibe nee diretu ida,” dehan nia liu husi deklarasaun de votu iha PN, Kuarta (11/05/2022).

Nia afirma, tanba vetaranu sira iha diretu ba osan hotu neebe mak iha nee mai duni husi luta sira nee, ita tenki trata liu husi Orsamentu Jeral Estadu (OJE) ida loos no planeadu ida neebe diak atu tau iha neebe.

Retifikativu ninia prinsipiu mak atu ajusta ou iha buat ida emerjensia ou situasaun ida neebe ita haree, i tenki hasoru ba krizi mak sai save, tenki halo retifikativu duni,” dehan nia.

Nia tenik, veteranu tenki trata ho dignu no ita nia luta nee too dezaparentem laos iha frente ida deit, rejiaun 1,2,3,4, rejiaun autonomu i rejiaun sira, ezistensia luta iha Indonezia nee mos importante.

Tanba nee, tratamentu dignu i ba oin husu ba partidu politiku sira no ba lider sira labele esplora ida nee, kuandu veteranu tinan 5 tenki tinan 5 ou tinan 10 tenki tinan 10, labele aumenta, tanba nia sei ba responde rasik wainhira testemuha la iha nia mak sei hasoru rasik.

“Atu dehan, ita nia uklu ba estadu tenki boot liu, duke uklu ba atu ba menan eleisaun no uklu ba partidu politiku, tanba ita nia uklu nudar multipartidaria konsekuensia, maibe ita nia responsabilidade ba estadu importante hakuak ema hotu la iha buat ida, maibe labele lakon primnsipiu lutador sira nian, tanba rai ida nee fo ema rihun 300 mak mate hodi ohin loron hetan ukun rasik aan,” hatete nia.

Nia hatutan, tanba nee husu ho hakraik aan, i laos hau la iha kualidade atu fo konselhu ba maun Taur, Xanana, Mari ho maun Lere, nein oituan hau mak tenki rona konsellu husi maun sira.

(dom/gui)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...