Atauro Oan Transporta Komunidade Ho Bero Gratuita

DILI, STLNEWS.co – Durante akontese kalamidade iha loron 4 fulan Abril, Atauro oan ida fasilita nia bero gratuita hodi transporta komunidade Maslidun, hodi halo movimentu ba mai.

Liu husi intrevista Kapitaun Bero Alberto do Rosario hateten, durante akontese kalamidade iha loron 7 fulan Abril halo komunidade Maslidun labele halo movimentu ba mai, tanba nee hanesan sidadaun apoiu ró hodi fasilita gratuita komunidade Maslidun hodi ba mai. Apoiu nee gratuita, tanba hanesan Timor oan tenke ajuda maluk sira neebe afetadu ba inundasaun nee.

“Durante inundasaun nee akontese, hau laiha buat diak atu oferese ba maluk afetadu sira, maibe hau so iha deit bero hodi fasilita gratuita ba maluk sira neebe hela iha Maslidun, tanba akontese kalamidade halo sira labele ultrapasa ba mai, tan nee liu husi roo gratuita neebe hau fasilita bele ajuda netik komunidade Maslidun, bero nee tula mos bee hodi oferese ba komunidade sira, hau nia bero nee oferese gratuita hahu husi inisiu mai too agora,” dehan Kapitao Bero Alberto do Rosario ba STL, Domingu (16/05/2021) iha lagoa Tasi Tolu.

Nia afirma liu tan, durante fulan ida resin nia bero nee fasilita gratuita komunidade Maslidun, dala ruma komunidade balun sae husi lagoa Tasi Tolu ba Maslidun no sira fo osan ka selu, maibe kapitau nee la simu, tanba apoiu neebe nia halo mai husi nia fuan ho laran duni, tan nee nia labele simu osan husi komunidade sira.

“Hau laiha kbiit atu ajuda maluk sira, maibe hau so fasilita deit bero ba komunidade no apoiu mos lider nasional Kay Rala Xanana Gusmão hodi ultra pasa ba mai haree komunidade afetadu sira, apoiu nee hau halo tanba hare ba Avo Nana nia domin ba povu afetadu sira nee boot tebes, hodi Avo Nana maka ohin loron komunidade barak bele fila ba sira nia uma, liu husi esforsu Avo Nanan ho ekipa tomak,” dehan Kapitaun Bero.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: