Atauro Sei Sai Munisipiu Ketak

DILI, STLNEWS.co – La kleur tan Atauro sei sai munisipiu, maibe problema neebe povu Atauro hasoru agora nee mak, eletrisidade lakan oras 5 deit.

“Ita preokupa, tanba la kleur tan Atauro sei sai munisipiu ida ona, maibe to’o agora povu Atauro sei halerik ba lina eletrisidade, neebe difikulta povu labele halo kontaktu, tanba ahi lakan oras lima deit,rede telefone mos lao, maibe ahi mate redi telefone mos taka hotu ona, tanba nee husu ba governu atu toma atensaun, labele husik povu sofre hanesan nee,” kestaun nee fo sai husi Deputada Virgina Ana Belo, ba STL Kinta nee (23/09/2021) iha PN.

Nia katak, povu Atauro halerik, tanba uluk eletrisidade lakan oras 12 nia laran, ka lakan iha loraik tuku 7 to’o fali aban tuku 7 mak foin mate, maibe agora lakan deit oras 5 nia laran, lakan tuku 7 loraik to’o tuku 12 kalan ema taka mate ona, tanba nee husu ba governu atu toma atensaun, tanba la kleur Atauro sei sai munisipiu ketak. No aat liu tan mak, bainhira ahi mate, rede Telemor no TT mos ema taka dala ida, susar atu halo kontaktu ba malu.

Iha fatin hanesan, Deputadu Antonio da Conceisao hatete, Problema eletrisidade to’o agora sei sai nafatin preokupasaun boot ba komunidade sira iha baze, tanba nee liu husi orsamentu neebe alokadu tiha ona nee, husu governu atu toma atensaun.

“Hau hanoin problema sira nee, knaar governu nian atu rezolve, tanba parlamentu aprova ona osan, fiar katak osan iha, soke governu seidauk iha planu ka politika neebe diak atu haree ba asuntu nee, la kleur Atauro sei sai munisipiu ketak, presiza kondisaun neebe diak ba povu Atauro,” dehan deputada nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...