Atinji Ona Objetivu; Xanana Ho X-Team Limpeza & Harii Espanduk Labele Soe Foer

DILI, STLNEWS.co – Lider Karismátiku Kay Rala Xanana Gusmão, ho X-Team, neebe lidera diretamente husi líder nee, remata ona misaun, ka atinji ona sira nia objetivu iha Tasi Tolu, tanba nee sira halao limpeza jeral, no harii espanduk neebe hakerek, “Favor Ida, Labele Soe Plastiku, No Foer Seluk-Seluk Tan Iha Fatin Nee”.

Limpeza no harii espanduk nee, iha loron Sabadu (12/06/2021) iha Lagoa Tasi Tolu, bainhira aman Luta nain nee hamutuk ho nia ekipa X-Team neebe kompostu husi (kompania sira, juventude, individus) neebe remata misaun ba supa lagoa hodi redus volume bee, no normaliza estrada, durante fulan 2, hodi lori hikas komunidade fila ba horik fatin.

Molok remata misaun iha Tasi Tolu, durante fulan 2, Xanana ajuda tebes komunidade Tasi Tolu, liu-liu komunidade Maslidun tomak neebe sofre ba inundasaun.

Durante fulan 2, asaun neebe Xanana ho ekipa halo, hodi lori komunidade sira fila hikas ba hela fatin, tanba bee no estrada normal ona, nunee too loron ikus liu molok atu sai husi fatin Tasi Tolu taka ho limpeza jeral, iha lagoa hodi harii espanduk “Favor Ida, Labele Soe Plastiku, No Foer Seluk-Seluk Tan Iha Fatin Nee”.

Depois harii espanduk, Xanana husu ba komunidade sira atu labele soe foer, i husu mos ba komunidade sira atu labele sobu espanduk nee, i respeita liafuan neebe hakerek iha espanduk, atu nunee ambiente lagoa saudável, ka labele foer.

Entretantu X-Team sira durante fulan 2, luta ba hasai komunidade husu sofrementu natureza nee, konsentra deit iha Tasi Tolu, no maioria lafila ba uma tanba servisu neebe sira halao loron no kalan, too atinji objetivu.

Mesmu atinji sira nia objetivu ka remata misaun nee, sira atu retira husi fatin lagoa Tasi Tolu, komunidade sira sei hobur nafatin Xanana hodi hatete, katak, “Avo ami sei presiza nafatin ita nia prezensa, Avo ba maibe mai nafatin haree ami iha nee”, hatete komunidade Tasi Tolu, bainhira hobur tuir Xanana.*

Reportajen: Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: