Atleta Silat 139 Sae Sintu

Atleta husi Asosiasaun Silat Timor Leste (ASTL) hamutuk 139 sae sintu ho objetivu atu hametin amizade. (Photo: STL News/Maria Tavares)

DILI, STLNEWS.co – Atleta husi Asosiasaun Silat Timor Leste (ASTL) hamutuk 139 sae sintu ho objetivu atu hametin amizade.

Lia hirak nee hato husi Prezidente Silat Timor Leste, Bendito Xavier, ba jornalista sira iha Delta 4, Dili, Domingo (30/09/2020).

“Agora dadauk nee ami nia objetivu ba sae sintu, mak primeiru membru silat atu hametin amizade, tuir mai fila fali total atleta neebe mak agora dadauk tuir nee iha 139” tenik Xavier.

Nia relata, atleta sira nee husi munisipiu Dili deit, ida rua mak husi munisipiu mais iha munisipiu ida deit , konaba atividade silat nian nee estrutura mak lao tuir.

Nia hatete konaba sae sintu mak sintu mutin sae ba matak, matak sae ba mean ida, matak ida sae ba mean rua. Konaba sae sintu nee tinan ida sae dala tolu.

Nia mos husu ba atleta silat, treinu nee hanorin sira tuku malu ta malu, mais tuku malu ta malu nee laos komunidade nia leet, maibe iha palku leten mak tuir jogu nasional, internasional ho rejional ida, nee mak silat Padjajaran halo.

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here