Atleta Xadrez 125 Tuir Kampionatu Nasional

DILI, STLNEWS.co – Atleta husi Federasaun Xadrez Timor Leste nain 125, neebe kompostu husi kategoria 4 tuir kampionatu nasional.

Tur Prezidente Federasaun Xadrez Timor Leste, Zeferino Viegas Tilman katak, Kampionatu Xaderez 2021 fahe ba kategoria 4, mak hanesan senior feto no mane, inklui junior feto no mane iha kampionatu nasional, sei realiza durante loron 3 ohin, aban, no final iha  Kinta, i kontinua ho nia serimonia enseramentu.

“Jogu neebe mak ita realiza nee katak, ita kategoria jogu aberta ba atleta hotu – hotu, se deit mak nuudar Timoroan bele mai kompete, nia atu iha ona asosiasaun ou seidauk, nia atu iha klubu ou lae, maibe aberta ba hotu – hotu atu mai kompete, tanba nee jogador sira neebe mak ohin kompete nee balu mai husi asosiasaun, maibe laos reprezenta asosiasaun sira reprezenta sira nia an rasik,” tenik nia ba jornalista sira iha Salaun Esperansa Dili, Tersa nee (26/10/2021).

Foto: STL/Maria Tavares

Nia dehan, nuudar atleta Timoroan neebe mak hatene joga Xadrez, sira mai kompete hodi koko ninia kapasidade atu kampiaun ba kategoria 4 neebe mak ohin temi nee, hirak neebe mak mai nee husi asosiasaun balu, sira mai husi klubu balu, maibe sira la reprezenta ofisialmente asosiasaun no klubu sira, tanba kampionatu nasional klarumente atu buka kampiaun, maibe kampiaun automatikamente buka selesaun, entaun se mak kampiaun nia mak atleta melhor iha tinan ida nee.

Iha fatin hanesan, reprezenta SEJD Diretora Alta Kompetisaun Maria Lizia, ofisialmente abertura kampionatu nasional ida nee no nia mos kontente tebes, tanba iha kampionatu nee bele mos partisipa husi feto sira neebe mak haree katak, ida nee bele mos hola parte iha jender balance.

“Primeiru hau nia parabens ba komisaun organizadora neebe mak ho tempu badak, maibe bele konsege organiza ita nia eventu nasional ida nee, i segundu atu dehan deit katak, komitmentu estadu liu husi SEJD ita komesa hahu ona desportu, husi postu, munisipiu, nasional nomos internasional,” tenik nia.*

(Mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...