AUFD Prioridade Ba Advokasia & Kapasitasaun

DILI, STLNEWS.co – Asosiasaun Unidade Feto Ba Dezenvolvimentu (AUFD), iha programa neebe mak prioridade mak fo advokasia no kapasitasaun ba inan feto, ema ho defisiénsia, LGBTI, no joven sira.

Tuir Diretora AUFD, Bendita de Jesus Amaral ba STL iha nia knaar fatin Baucau, Segunda nee (08/11/2021) hatete, programa neebe mak prioridade mak kontinua halo advokasia no kapasitasaun ba feto, ema ho defisiénsia, no juventude sira.

“Planu prioridade neebe mak ita mensiona no halao hamutuk ho board no konselleiru hotu, iha planu estratéjiku neebe durante tinan 3 mai nee, ida neebe perioridade liu mak foka liu ba advokasia ho kapasitasaun, no iha kapasitasaun iha parte rua, primeiru kapasitasaun foka liu ba edukasaun non formal, iha kapasitasaun neebe em jeral atu fo treinamentu hodi fasilita formasaun ba maluk inan subrevivente sira, nomos juventude sira i maluk feto sira, maluk ema ho defisiénsia inklui LGBTI sira, ida nee kapasitasaun neebe foka iha area oin – oin,” dehan nia.

Nia hatutan, tuir planu durante tinan tolu ho tinan lima mai, programa ida mos prioridade ba area agrikultura, tanba submete husi duvisaun programa agrikultura iha grupu tarjetu lubuk neebe sei haforsa kapasitasaun liu husi sira nia produtu lokal, hodi hetan rendimentu hodi haforsa sira nia grupu.

Iha fatin hanesan, responsavel ba Sentru Formasaun AUFD, Lourenco Zacarias Pinto, katak AUFD nia planu primeiru mak sei nafatin fo apoiu ba iha ninia grupu tarjetu sira, neebe mak ho programa iha agrikultura liu – liu ba grupu iha area rural ida neebe iha parte agrikultura ninian, no programa prioridade ida tan mak kapasitasaun non formal.

“Edukasaun non formal mak ita foka area kursu nia neebe halao dadaun iha tinan rua liu ba hahu tinan 2019 too iha 2021, ita nafatin ho programa edukasaun non formal nian mak iha area neen (6) neebe mensiona hanesan Ingles, Portugues, komputador, jornalizmu, administrasaun, nomos lideransa,” dehan Lourenco.

Nia dehan, iha parte jeneru ninian fo formasaun hanesan mos treinamentu ba iha grupu tarjetu neebe mak iha involve feto nomos mane, tanba grupu neebe mak iha grupu agrikultura involve joven no mos inan ho aman katak, feto ho mane involve iha grupu nee.

(eme)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...