Australia Kontinua Apoiu Ministeriu Interior Hodi Tulun Kalamidade – Covid-19

DILI, STLNEWS.co – Sesta feira nee, Vise-Ministru Interior, Antonio Armindo simu vizita badak husi Major Michael Stone, nuudar konsul honorariu Timor-Leste nian iha Estadu Queensland Australia hamutuk ho adidu defeza Australia mai Timor-Leste, Koronel Mick Rozzoli, hodi koalia kona-ba situasaun susar neebe agora Timor-Leste enfrenta. Nunee governu Australia kontinua fo nafatin apoiu maximu ba povu neebe presiza tulun durante kalamidade ida nee liu husi Sekretariu Estadu Protesaun Sivil.

Liu husi komunikadu imprensa neebe STL asesu husi media office Ministeriu Interior, Sabadu (01/05/2021) nee, Michael Stone hanesan antigu militar INTERFET hatete, “Perspetiva governu Australia mai iha nee tanba uluk iha funu laran ami sempre konsidera semak fo apoiu husi komunidade no individu halo apoiu klandestina neebe servisu lor-loron hola parte iha tempu rezistensia, ami mos sente husi ami nia fuan laran hodi apresia no agradese ba povu Timor tomak neebe durante operasoens barbarak iha Timor. Hatutan ba ida nee, iha fali tinan 1999 mai oin, ema Timor oan neebe kiak no laiha buat ida iha momentu neeba maibe sempre lolo liman no oferese ai-han oituan mai ami maské modo laiha maibé sira esforsu hodi buka nan manu balun hodi oferese ba bainaka husi forsa militar sira,” dehan Michael Stone iha eskritoriu ofisial Ministeriu Interior, Vila-Verde, Sesta (30/04/2021).

Nia esplika, governu Australia sempre apresia ba hahalok kultura Timor nian neebe sempre ajuda malu iha tempu difisíl nia laran. Husi nee hatudu amizade ida neebe kapas no furak tebes no domin iha momentu neeba. Husi lisaun nee maka halo governu Australia haree situasaun iha Timor, sira hakarak mai hanesan familia hodi ajuda fo tulun iha tempu difisil nia laran.

“Ohin hau mai iha nee atu fo mos parabens ba kamarada diak ida uluk iha tinan 1999 iha misaun INTERFET nia sei klosan hanesan mos joven ida nia tuun husi ailaran husi kaisa postal rejiaun IV parte norte, hodi hakbesik an ba iha forsa INTERFET Australia neebe destaka iha sub-Distritu Cailaco Munisipiu Bobonaro. Momentu nee hau rasik maka hanesan komandante pelutaun nia hakbesik mai hau servisu hanesan durubasa no sai mos matadalan nomos asesor kultura nian ba soldadu sira,” dehan Stone.

Foto: Serviços Relações Públicas

Veteranu Australia nee haktuir, iha tinan 2000 no 2021 Antonio Armindo, kontinua apoiu forsa Internasionál iha operasoens dame nian no mos ba instituisoens internasional ba dezenvolvimentu hodi fasilita dialogu ho hanoin hanesan asesor kultura iha situasaun neeba.

“Hau orgullu tanba hau nia kolega diak agora sai Vise-Ministru Interior iha tempu neeba ita presiza duni lideransa diak. Hau mos kontente loos haree hau nia kolega Jose Turquel neebe uluk ami servisu hamutuk iha Gabinete Prezidente Republika, agora servisu hamutuk fali iha nee. Ho amizade ida nee husi hau nia fuan hakarak atu kria nafatin ponte entre hau nia povu iha Australia no povu Timor-Leste, hodi rekunese katak uluk ponte laiha durante tempu nakukun durante tempu rezistensia nia laran”, dehan nia.

Veteranu Australia nee realsa, nia ho kolega veteranus husi Australia hakarak kria nafatin ponte ida neebe nunka atu halo rahun. Ba sira, Timor-Leste sempre iha relasaun diak entre kolega no iha vizinu neebe metin lahalimar iha lealdade no bele aplika hanesan familia.

“Nee maka ita buka dalan lalais mai iha nee hodi ajuda krize humanitaria nian tanba inundasaun no mos situasaun kona-ba Covid-19 neebe efeitu ba mundu tomak. Iha nee hau mai mos ho amigu Militar Australia Koronel Mick Rozzoli, neebe fo apoiu iha Timor-Leste hamutuk ho INTERFET no UNTAET iha tinan 1999-2000, no agora nia fila mai hodi apoiu Sekretariu Estadu Protesaun Sivil,” haktuir nia.

Stone salienta, Koronel Mick Rozzoli, laos ema foun iha Timor-Leste. Nia hanesan adidu Australia nian iha tinan 2016 too 2019 no antes nee serbi iha Timor-Leste hamutuk ho INTERFET no UNTAET iha tinan 1999-2000. Agora Koronel Rozzoli fila ona mai Timor-Leste hodi apoia Gabinete Sekretariu Estadu Protesaun Sivil no Sentru Integradu Jestaun Krize (sigla Portugés: CIGC) hodi responde ba inundasaun foin dadauk nee no situasaun Covid-19 neebe tama ona iha transmisaun komunitaria.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: