Autoridade Lokal Husu Governu Hapara SS – KO

DILI, STLNEWS.co – Autoridade Lokal, Rui Satorio Magno Sequeira, husu governu atu hapara Serka Sanitaria (SS) no Konfinamentu Obrigatoriu (KO) atu nunee povu halao atividade hanesan bain-bain, maibe nafatin kumpre regra protokolu saude.

“Ita nuudar sidadaun neebe diak kumpre regra protokolu saude, hapara serka sanitaria no konfinametu obrigatoriu, atu nunee povu livre halao atividade no buka moris, labele taka tun sae dalan, nee impaktu ba povu kiik sira,” preokupasaun nee hatoo husi Xefe Suku Samalari Munisipiu Baucau, Rui Satorio Magno Sequiera ba STL liu husi telefone, Tersa (08/06/2021).

Governu implementa serka sanitaria no konfinamentu obrigatoriu halo konfirme sira nia hakarak atu atinji buat ruma karik, nee maka lahare ba nesidade povu nia neebe agora dadaun infrenta halerik ba aihan, povu maka sai vitima.

Nia haktuir, governu loke dalan enjeral atu povu livre buka moris hodi sustenta familia, sulan iha uma deit hahan laiha se maka atu fo, sa tan tempu difisil ida nee ema hotu susar hotu, nee duni fo espasu atu nunee halao atividade ba, importante maka kumpre nafatin regra MS ho OMS nia, uza maskra, fase liman bebeik, no distansiamentu sosial.

Iha parte seluk, komunidade Olinda Ximenes hatete, moris ho vida agrikultura susar tebes iha situasaun serka sanitaria ho konfinamentu obrigatoriu ida nee, tanba modo neee ami kuda aimanas, feuk, inklui produtu seluk sai dodok no soe estraga, tanba se maka atu sosa, movimentu transporte publiku lalao oinsa lori ba merkadu, ba merkadu mos distansia neebe dook.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: