Autoridade RAEOA Prepara Kuarentena Ba Oecusse Oan

DILI, STLNEWS.co – Autoridade Rejiaun Administrativa Espesial Oecusse Ambeno (RAEOA), esforsu prepara kuarentena ba Oecusse oan sira neebe hela iha Timor laran tomak, hakarak fila ba RAEOA.

Tuir karta komunikadu imprensa neebe STL, asesu husi Autoridade RAEOA, Kuarta (19/05/2021) katak, Autoridade Oecusse kontinua halo esforsu prepara kondisaun iha Oecusse ho hari’i kapasidade kuarentena 100 – 200 pessoas iha Portu Kitahara-Mahata, hodi bele simu no fasilita pasajeirus sira mai husi Dili, iha semana nee nia laran.

Karta komunikadu nee haktuir prosesu konstrusaun sei hahu. Objetivu husi politika ida nee, atu kontinua prevene moras latama no mantein kontrola Covid-19 iha RAEOA hodi bele proteje ita nia inan aman sira, populasaun 85.000 iha RAEOA neebe agora dadauk provizioriamente seguru tan laiha transmisaun lokal ka komunitaria.

“Husu ba ita hotu iha Dili kontinua buka dalan hodi hetan Vasina AstraZeneca no hakbesik ba Autoridades Governu Sentral, hodi hetan tulun ba aihan seluk tan neebe Governu deside ona, atu oferese ona ba komunidade hotu hotu iha Dili,” dehan karta komunikadu nee.

Autoridade tuir karta komunikadu sei kontinua informa situasaun nee ba Governu Sentral hodi fasilita no tulun ba Oecusse oan sira iha rai bot.

Prioridades importante mak inan aman no maluk sira 85.000 hela iha Oecusse seguru husi moras Covid-19. Autoridade RAEOA lakohi foti risku hatama RAEOA iha situasaun transmisaun lokal no transmisaun komunitaria Covid-19, tan fasilidades Saude Oecusse iha hospital hanesan oxygen no ventilador seluk tan limitadu.

Tanba tuir karta komunikadu nee katak Oecusse mos iha komunidade barak ferik no katuas neebe iha moras TB (Tuberculosis), tensaun, hepatitis neebe fragile ba Covid-19 atu oho ema wainhira sira hetan moras Covid-19.

Wainhira kondisaun kuarentena sufisiente ona, Autoridade RAEOA sei normaliza transporte ema no sasan ba mai Oecusse – Dili.

“Husu pasiensia hodi ita konsege hases Oecusse husi moras Covid-19, liu liu transmisaun lokal no transmisaun komunitaria. Maske ita bot sira hirus lagosta desizaun nee maibe prioridade mak ema 85.000 atu labele hetan moras hadaet Covid-19 iha RAEOA,” esplika karta komunikadu nee.*

Reportajen: Carme Ximenes
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: