Autoridade Seguransa Indonezia Deporta Tan Membru GAM PSHT 161 Ba UPF

BATUGADE, STLNEWS.co – Autoridade seguransa servisu migrasaun ho Polisia Republik Indonesia (POLRI) deporta tan Timor oan neebe membru Grupu Arte Marsiais PSHT, hamutuk nain 164 ba estadu Timor Leste tanba sidadaun sira nee ba sae sintu PSHT iha Indonezia liu husi dalan ilegal.

Estadu Maior Koordenador, Segundu Adjuntu Operasaun, Superintendente Marcos Sequeira informa, membru GAM PSHT sira nee sei lori hotu ba Dili, maibe dala ruma mos sei lori ba kuarentena iha munisipiu seluk tanba nain 3 hetan sintoma isin manas.

“Sira nee hotu mesak mebru GAM PSHT, tan nee ita sei tau sira iha fatin ida maibe ohin nain 3 iha sintomas isin manas, entaun ida nee ita sei haree fatin ba sira no entrega ba parte saude hodi haree sira nia kondisaun nee,” dehan Estadu Maior Koordenador, Marcos, ba jornalista iha fronteira mota ain, Bobonaro, Sabadu (21/08/2021).

Nia dehan, sira barak mak entrega aan ba sira nia responsavel iha Indonezian depois mak husi KODIM indonezia kontaktu mai ekipa mediasaun iha Timor-Leste, maske ema bolu membru GAM PSHT nee tama ilegal maibe agora sira tama mai tuir dalan legal.

“Ita nia saude, sira mos identifika ona sira neebe tama uluk, nain 65 mak hetan pozitivu Covid-19, entaun Membru PSHT sira nee hotu kumpre tiha loron 14 iha kuarentena sei tuir investigasaun hodi hatene sira nia kronolojia tama Indonezia hori bainhira,” nia esplika.

Entretantu, membru Grupu Arte Marsiais hamutuk 64 kompostu husi mane 59 feto nain 5, sira nee hotu orijen husi munisipiu Baucau, Maliana, Ermera no mos barak liu mak husi munisipiu Dili.

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: