Avelino: Covid Laimpede Eleisaun Prezidensial

DILI, STLNEWS.co – Jurista Avelino Coelho hatete, maske oras nee ho situasaun Covid sai preokupasaun ba mundu tomak inklui mos Timor Leste, maibe sei laimpede eleisaun Prezidensial neebe sei halao iha tinan 2022. Jurista Avelino Coelho, hatoo kestaun nee ba STL, via email, Segunda (10/05/2021).

“Iha debates iha TVE iha fulan balun liu ba, ami deskute ona katak, Covid-19 sei labele impata eleisaun. Ita haree estados barak, apezar de hasoru hela pandemia sira kontinua organiza eleições. Portantu, ita mos sei realiza tuir kalendariu normal,” hatete jurista Avelino.

Jurista Timor oan nee hatutan, lei la fo dalan atu eleisaun nee muda liu husi tinan liman ba leten, maibe dala ruma bele mosu interpretasaun oin seluk.

Iha parte ketak, analista politika no docente filosofia, Martinho G. da Silva Gusmão hatutan, lei taka dalan eleisaun muda ba husi tinan lima ba leten.

“Lei mak nee ona, lei taka dalan atu halo eleisaun diluar 2022, konstituisaun mak taka dalan, konstituisaun dehan tinan lima ita labele halo, tinan neen konforme hakarak, mas lei fo dalan lae, maibe konstituisaun mak taka dalan ba Prezidente atu dekreta eleisaun Prezidensial nee di luar 2022,” hatete nia.

Martinho G. da Silva Gusmão mos hatutan, ho situasaun Covid-19 labele iha kampana terbuka, maibe media sira mak halo intrevista ba kandidatu sira deit.*

Reportajen: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: